Эргэн дурсахад

Өнөөдөр санамсаргүй явж байгаад гэнэт энэ блогруугаа орчихлоо. Хуучин бичиж байсан бичлэгүүдээ эргүүлээд нэг харлаа. Бас л хүнээс санаа зовмоор юмнууд бичдэг байжээ кк. Гэхдээ л хэсэг хуучны дурсамжаа сайхан сэргээж авлаа шүү.. Одоогоос бараг 5 жилийн өмнө юмдаа.. оюутан байхдаа ангиараа блог нээж байж билээ. Манай ангийхан ч ихэнх нь хичээл нтрийхээ талаар л анхныхаа бичлэгүүдийг хийгээ л эхэлж байсан санагдана. Гэтэл би гэдэг хүн шууд л Соккер гэж ирээ л анхны бичлэгээ хийж байж. Тэгээ л дандаа л хөлбөмбөг, дэмждэг клуб болох Ливэрпүүлийхээ талаар л өөрийхөө хэмжээнд сэтгэл хөдлөлөөрөө ганц 2 өгүүлбэр бичиж байсан даа.. Older post гэдэг товч дээр дарсаар байгаад хамгийн эхний хуудсанд очвол цаа чинь ийм гарчигтай нэг post үйлдэж байж.
Хелбембегийн тоглолтыг анх удаа амьдаар нь vзлээ :D
Аймаар сүртэй гарчиг хаха.. Гэтэл нөгөө үзсэн тоглолт нь Улаанбаатарт Хойд Солонгосын шигшээ баг ирээд манайхныг бут ниргэчээд явдаг тоглолтыг үзэж байж.. Яах аргагүй л амьдаар нь үзсэн хөлбөмбөгийн албан ёсны тоглолт мөнөөс мөн.. Хэдийгээр илт илүү өрсөлдөгчид манайхнаас талбар бүрт илүүрхэж байсан ч тоглолт дуусахаас өмнө манай шигшээгийн "4 нойморт" гоолдоход яг л хожчихсон юм шиг л баярлаж хэзээ нэг цагт дэмждэг багийхаа тоглолтыг жинхэнэ стадионд нь ороод үзэхэд ямар байх болдоо гэж бодож байсан юмдаг.
Гэтэл харин энэ зун бодсоноос хамаагүй эрт буюу хайртай Ливэрпүүлийхээ тоглолтыг үзэх боломж тун санамсаргүй тохиолдсон юм. Ливэрпүүл клуб Азиар аялан тоглолт хийнэ гэсэн мэдээллийг мэдээж аль эрт мэдэж байсан ч яг очоод үзэж чадах эсэхдээ эргэлзэж л байлаа. Бүр тоглолт үзэхээр явах хүмүүсийн нэрс тодорцон байхад ч би үзэж чадахгүйдээ итгэцэн явж байсан юм.. Гэтэл гэнэт аз таарч манай нэг найз явахаа болж урьдчилан захисан байсан билетийг үхүүлэхгүйн тулд би явахаар болов..
Ингээд Ливэрпүүл клубыг дэмждэг хэдэн найзуудтайгаа хамт өмнөд хөршийн ГуанЖу хотыг наадмын үеэр зорьсон юм.. Тэндхийн нэг багтай Улаанууд маань нөхөрсөг тоглолт хийх хуваарьтай.. Хэдийгээр Анфилд Роад цэнгэлдэх хүрээлэн биш ч ТВ-гээр харж хайрладаг тоглогчдоо өөрийн нүдээр тоглохыг нь харна гэдэг бол одоохондоо ХАНГАЛТТАЙ..
Ингээд зорьсон хэрэг маань ч бүтэж бид хайрт Ливэрпүүл клуб, Хаан Кеннигээ амьдаар нь харч чадсан юмаа... Тэр үеэр цэнгэлдэхэд тоглолт үзсэн талаар би зун нэг юм ливэрүүлийхээ форум дээр бичиж байсан.. тэрийгээ энд оруулчихая..

Баахан адал явдал болж болж нэг юм цэнгэлдэх дээр очив. Гаднаас нь харахад л сүртэй сайхан стадион. Маниус 11р хаалгааар орох байсан ч өмсгөл нтр хайж хажуугаар нь жоол явсан. Даанч гадуур нь өмсгөл нтр заж байгаа газар байгаагүй. Амараа ах, Чинзо 2 нөгөө туннелтэй тал руу явж бид өөрсдийнхөө секторт суухаар цэнгэлдэх рүү орсон юм. Манайхан ч түрүүлээ л тасалбараа шалгуулаа л орцгоочив. Гэтэл манай баннер ачцан байсан Аваргыг баннераа үлдээхгүй бол оруулахгүй гэсэн бололтой хужаа цагдаа нар маяглалдаад байж байна. Нөгөө талд Муужгуугийн авч явсан далбааг бас хураачиж. Яадаг ийдэг билээ гэж сандарч байгаад юу ч гэсэн Амараа ахад хэлээд үзье, болохгүй бол тэр л биз гээд өөрсдөө орцгоов. Цэнгэлдэх дотор харин дэлгүүр ажиллаж байна. Тэндээс бүгд нэг нэг цамц, ороолт, малгай, түлхүүрийн оосор авсан байх..
За тэгээд яг суудалдаа суухаар орж иртэл хүмүүс нэх цуглараагүй байгаа бололтой, талбай дээр харин нэг таньдаг халзан толгой бэлтгэл хийцэн тууж явна.. Хөөх Мейрэлэш байна нтр гээ л маниус зураг хөргийг нь баахан дарсан. Дараа нь тэгээ л Ян Эйр, Кларк, Кевин Кийн нтр гэсэн хүмүүс гарч ирээ л байсан. Маниус ч тэр хэн байна, энэ хэн байна нтр гэж холоос шууд танилгүй санал зөрөлдөв.. Бид нарын яг эсрэг талд Хужаагийн фэн клубийн гарууд нэг секторт сууцан дуу муугаа дуулалдаа л сүртэй... хааяа бөөн шуугиан болоо л явчна.. яасан нь ч бүү мэд.. харин дараа сонсохнээ нь бас 2 чөөгий орж ирээд шуугиулаад байсан юм шиг байна лээ.. Тоглолт эхлэх дөхөө л... Эхлээд Гуанжугийн багийхан бүгдээрээ гарч ирэн бэлтгэл хийж эхлэв.. Удаа ч гүй манай эхлээд гараанд гарсан 11 талбай дээр гарч ирлээ.. Хүмүүс ч орилолдоо л бөөн сүр... Карра, Фланаган, Келли, Нгог, Коул... нтр гээ л.. ТВгээр л харж байсан хүмүүс хэдхэн алхмын цаана хоорондоо бөмбөг дамжуулаа л... сайхан байсаан..
Нэг харсан чинь энд тэнд нүд эрээлжисэн баахан баннерууд гараад ирж.. For Kenny, For 19th, This is chinese Anfield... нрт гээ л.. Тэхээр нь би очоод баннераа гуйгаад үзий гээд Аварга бид 2 хамт үүд рүү явав.. Тоглолт эхлэх гээд хүмүүс бөөн бөөнөөрөө орж иржийнаа.. Өө тэгсэн манай баннер, төрийн далбаа 2ыг минь муусайн юмнууд хогийн савныхаа хажууд тавьцан байдын.. Бид 2 ч нэг гуйдымуу гэснээ шууд л баннер, далбаа 2оо аваа л буцаад гүйчлээ кк.. Очоо л шууд бүгдээрээ хамжаа л тоглолт эхлэхээс өмнө арай чүү нэг юм өлгөж тогтоосондоо...
За тэгээд тоглолт эхэлсээн.. Миний хувьд өмнө нь амьдаар нь хөлбөмбөг үзэж байсан гэвэл одоо Монголын шигшээ л чансаа ойролцоо хэдэн улстай тоглосон л байх..кк Гэтэл Ливэрпүүлийн маань тоглолт тэрнээс тэс ондоо... Хүмүүсийн гүйж байгаа, дамжуулж байгаа нтр нь арай л аймаар.. Ямар сайндаа л бид нар бэлтгэл дээр Пачекогийн доторлож цохьж оруулсан гоолыг харчаа л мэл гайхаж байгаам чинь кк. Бөмбөг нь одоо яаж ч эргээд байгаамдээ..
Тоглолтын хувьд ч тэгээд бүгд үзсэн болохоор нэх нуршаад яахав.. Гэхдээ л энэ муулаад байгаа Жо мо чинь амьдаар нь тоглож байхыг үзсэн чинь пээ гончигсүм минь аймаар юм.. Аан Карра бол тэгээ л төрцөн амьтан юм байна лээ.. Талбай дээр байжыгаа байдал нтр гээ л.. Тэр сүүлийн гоолыг алдахад Брэд Жонесыг загнаж байгаа нь гээ л.. яг л Каррагийн гаргадаг үйлдлүүдийг амьдаар нь сайхан харж авсаан...
2р үед бүрэлдэхүүнийг тэр чигээр нь солиод Аггер тэргүүтэй нөхдүүд гарч ирсэн.. Шинэ цэрэг Адамын хамгийн анхны улаан хувцастай тоглолтыг үзчдэг маниус нээрээ бас азтай.. Адам ч гарч ирэнгүүтээ л аймаар аймаар кросс хаяаа л... Манай 35 саяын үнэтэй Далайцэрэн ч бас хажуунаас нь харахад сайхан амьтан байна лээ.. гүйж байгаа нь газар цөм цөм гишгэчих гээ л.. дэнхэгнээ л... тэр солгой хөлийн удаар гэж аяаяаяа.. Нэг гуядсан бөмбөг нь рекламны самбар дээр пүршнээс ойж байгаам шиг л ойж байна лэээ.. Тэр чинь одоо нилээн зайтай байсан самбар шдээ.. Мань хүн ч ч зүтгэсээр байж нэг ассист, нэг гоол хийсэн..Харин сүүлд 2 гоол алддаг нь жоохон тиймэрхүү ч манайхан жоохон хайнга байх шиг байна лээ..
Аан бас хужаа нар тоглогчдыг нэрээр нь дуудна гэж саваагаад хаячдын.. Манай Рэгзэн л сайн дуурайж үзүүлээд байсан.. Мань хүн хүн дуурайгаад орилоод байсан чинь тэрүүгээр байсан цагдаа нар инээлдээд байна лээшт кк.
Ингээд нэг мэдэхэд л цаг харвасан сум шиг хурдан өнгөрч тоглолт минь дууссан байлаа.. Маниус ч гарч Амараа ах, Чинзо 2ыг хүлээнгээ ганц нэг батиараа татуулсан.. Тэгээд тэр 2ыг ирсний дараа бөөнөөрөө харьцгаасан даа...





Тиймээ тэр тоглолтыг үзэхэд үнэхээр үгээр илэрхийлэхийн аргагүй сайхан байсан... Гэхдээ хүний шунал гэж хязгааргүй юмдаа.. Одоо миний бодолд Англид, Ливэрпүүл хотод нь очоод багийхаа тоглолтыг үзэх юмсан гэсэн хүсэл эргэлдсээр л... Санаж явбал бүтнээ гэж хэзээ нэгэн цагт очиж л таараа...

Зун даруулсан ганц 2 зургаа хийчхэе.. Дараа нь гэнэт өнөөдрийх шиг орж ирээд уншихад дурсамжтай юмуудаа..



Тоглолт болсон стадион.. ГуанЖу, Тиан Хе стадиум 68 мянган хүний суудалтай.. Анфилдаас 20иод мянган хүний суудлаар илүү гэж байгаа..

Карра тэргүүтэй ТВ-гээр л хардаг байсан баатрууд маань хэдхэн алхмын цаана гарч ирэн бэлтгэл хийж байгаа нь..

Чарли Адам... Энэ нөхрийн Ливэрпүүлийн төлөөх хамгийн анхны тоглолтыг бид Ливэрпүүл хотын Скоусеруудаас өмнө үзэх заяа тохиосон бөлгөө...

Mongolian Kopites Hearts LFC... Тиймээ бидний авч явсан энэ баннер тэр оройн хамгийн шилдэг баннераар нэрлэгдэж чадсан юм.. Сайн харвал NG үсэгний дээхнүүр миний ярзайсан царай харагдана... :D

Тоглолт эхлэхээс өмнө цэнгэлдэх тойрч яваад батиараа татуулав...

Манайхан цаана халаалтаа хийцгээгээ л...

You will never walk alone...!

Нэгдүгээр үеийн завсарлагаар гялс зургаа татуулав.. Энэ үеээр бидний нуруу дэлхий даяар шууд гарсан билээ... :D

Олон гоол орсон сонирхолтой сайхан тоглолт болсон. Эцэст нь хожил манайх...

Кэрролл Суарезын хослол

Өнгөрсөн өвлийн хувьд манай клубын хувьд маш хөдөлгөөнтэй үе байсан билээ. “Шок” гэдэг үг энэ өвлийн хувьд яг л манайд таарсан үг байв.. Шинэ эзэдтэй болоод удаагүй байсан дээр “Хаан Кенни” менежерийн дүрээр Ливэрпүүлдээ эргэж ирсэн нь фэнүүдийг үнэхээр баярын шоконд оруулсан.. Тэрээр ажлаа авсны дараахан туслахаараа Стив Кларкыг сонгосон бөгөөд удалгүй 2010 оны дэлхийн мэргэн бууч, дэлхийн аварга шалгаруулах тэмцээнд гялалзтал тоглосон, Аяакс клубын ахлагч, багийн мэргэн бууч Луйс Суарезыг багтаа нэгтгэж чадсан юм.
Торрес+Суарез гэсэн гайхалтай хослол үүсч, бид энэ дэлхийн хамгийн гайхалтай довтолгооны бүстэй болох нь хэмээн хөөрч байв.. Гэвч энэ баяр хөөр тун удсангүй. Итгэмээргүй үйл явдал болж Фернандо Торрес багаас явах хүсэлтээ Кеннигийн ширээн дээр тавьсан мэдээ биднийг ахин нэг “шок”-нд оруулав.. Суарез ирсэн баярт мэдээнээс ч илүү энэ мэдээ манайхны санааг зовоход хүргэсэн юм.. Олон фэнүүд үүнд итгэхийг хүсэхгүй байсан ч Челсигийн тавьсан том санал Торресыг бүрэн эзэмдэж тэрээр наймааны цонх хаагдах сүүлчийн өдөр заналт дайсны эгнээнд элссэн билээ.. Гэхдээ бид түүний оронд 50 саятай болсон ч энэ мөнгөө зарцуулах хугацаа тун бага үлдээд байлаа...
Цонх хаагдахаас хэдхэн цагийн өмнө клуб Астон Виллагийн гол хүн Эшли Янг, Блэкпүүлд энэ жил гялалзтал тоглож байгаа багийн ахлагч Чарли Адам, НьюКааслын залуу довтлогч Энди Кэрролл нартай холбогдоод байгаа мэдээ шар хэвлэлүүдээр дүүрэн байв.. “Энди Кэрроллд Ливэрпүүл 30 саяын санал тавьсан ч Ньюкаасл татгалзсан хариу өглөө” гэсэн мэдээ гарсан байсныг хараад үнэхээр гайхаж билээ. Тэд цаг үлдээгүйг далимдуулж шуналтснаас гадна ноднин манайхыг ТОП-4с мулталсан Тоттенхэм бас садаа хийсэн бололтой юм.. Фэнүүдийн ихэнх нь Кэрроллыг заавал энэ их үнээр авах хэрэг байна уу хэмээн бодож байлаа..
Гэвч 2011 оны 2 сарын 1ны өглөө залуу довтлогч Энди Кэрролл дэлхийн бүх цаг үеийн түүхэн дэх хамгийн үнэтэй хөлбөмбөгчдийн 8рт, Британийн болон клубын түүхэн дэх хамгийн үнэтэй хөлбөмбөгчин болон Ливэрпүүл клубт ирсэн байлаа...Бид ийнхүү ахин нэг “шок”-нд орсон юм.
Ингээд биднийг одоо нэгэн том асуулт хүлээж байгаа билээ..
Суарез Кэрролл хоёр хэрхэн хослох бол?
Юуны өмнө бид яг ямар довтлогчдыг авсан талаар жоохон дэлгэрүүлэе...

Луис Суарез
24 настай Урагвай довтлогч маань одоогоос 5 жилийн өмнө Европд газардсан байна.. Түүнийг анх Голландын Гронинген клуб авч байсан ч алдарт Аяакс клубт тоглох болсноор дэлхий нийтэд танигдсан билээ. Кенни болон Дамиен Комоли нар уйгагүй ажилласны хүчинд түүний Улаануудын бүрэлдэхүүнд харах боломжтой болсон юм.. Тэрээр энд урт хугацааны гэрээ байгуулсан бөгөөд юутай ч 6 жил хагасын хугацаанд уран гоё тоглолтоороо биднийг баясгах болоод байгаа..
Хөлбөмбөгийн кареераа төрөлх орныхоо Национал гэдэг багаас эхэлсэн баг 2006 онд лигтээ түрүүлэх хүртэл 27 тоглолтод оролцож 10 гоол оруулж байжээ. Гэтэл түүнийг тэр онд нь Гронинген клуб ердөө 800.000 хан еврогоор эгнээндээ элсүүлж чадсан байх юм. Тэнд нэг улирал амжилттай тоглон 30 тоглолтод оролцож 10 гоол оруулжээ.. Ингээд түүнийг дараа улиралд нь Голландын алдарт Аяакс клуб ирсэн үнээс нь10 дахин их үнээр буюу 7.5 саяаар өөрийн болгожээ. Түүнийг Аяакст ирэхэд мөн залуу довтлогч Хунтелаар/Аяаксын төлөө 92 тоглолтод 76 гоол оруулсан/ гялалзаж байсан ба Суарез болон Хунтелаар гэсэн гайхалтай хослол үүссэн юм. Тэд 2009 онд Хунтелаар Реал явах хүртэл 18 сар хамт тоглож фэнүүдээ баясгасан бөгөөд энэ хугацаанд энэхүү гайхалтай хослол гоолыг машиндах шиг болж байлаа...
Суарез+Хунтелаар гэсэн хослол яагаад амжилттай тоглох болов?
Юуны өмнө тэд хоёулаа авьяаслаг довтлогчид нь тодорхой гэхдээ тэд хамтдаа тохиолдолд бүр ч илүү тоглолт үзүүлдэг байв.Суарезын хувьд жигүүрээр маш чадварлаг тоглох ба эсрэг багийн хамгаалагчдын дундуур маш хурдтай зүсэн орж ирж аюул учруулдаг байсан бол Хунтелаар гол төлөв 16-гийн талбай дотор тоглох дуртай бөгөөд тэнд маш чөлөөтөй тоглон зөв цагтаа зөв газраа байж чаддаг байсан... Тэдний тоглолтын арга барил нь нэг нь нөгөөдөө боломж гаргахад яг л цаанаасаа тохирсон мэт байсан юм..
Суарезтай хамт тоглоход гоол оруулах хялбар байдаг.. Учир нь тэр бусдаас илүү хөдөлмөрлөж хурдан шаламгай хөдөлдгөөнтэй, эсрэг багийн хамгаалагчдад үргэлж аюул учруулж байдаг.. бүр талбайн төвөөс ч бөмбөгийг эзэмшин орж ирээд аюул тарьдаг хэмээн багийн анд Хунтелаар хэлж байжээ.
Түүнийг Реал явсны дараа Аяакс клуб Германы Херта клубээс Марко Пантелич хэмээх довтлогчыг авсан бөгөөд тэрээр нэг улирал тоглохдоо 25 тоглолтод оролцон 16 гоол оруулсан байна. Энэ нь түүний Хертад үзүүлдэг үзүүлэлтээс хамаагүй дээгүүр байсан юм. Мэдээж энэ амжилт түүний хамтран тоглогч Луис Суарезтэй салшгүй холбоотой. Суарез энэ улиралд лигтээ 35 гоол оруулсан бөгөөд өөр аль ч лигд ийм олон гоол оруулсан тоглогч байгаагүй юм. Ийм гайхалтай амжилттай улирал дуусгасны дараа түүнийг дэлхийн аварга шалгаруулах тэмцээн хүлээж байлаа..
ДАШТ-д Урагвайн шигшээ баг гайхалтай тоглолт үзүүлснийг бид нар харсан. Тэд 40 жилийн дараа ДАШТ-ний шөвгийн 4т үлдэж чадсан юм. Ийм амжилт үзүүлэхэд тэдний довтолгоо маш их үүрэг гүйцэтгэсэн. Суарез нийт 3 гоол оруулсан ба Өмнөд Солонгосын хаалганд 2 гоол оруулж, мөн Ганын шигшээ багтай хийсэн тоглолтод эцсийн мөчид багаа авран шөвгийн 4т үлдэхэд гарамгай гавьяа байгуулсан билээ.. Харин түүний хамтран тоглогч Форлан нь 5 гоол оруулан Дэлхийн Аваргын “Мэргэн Бууч” болсон билээ..

Энди Кэрролл
Тиймээ түүнийг хэтэрхий өндөр үнээр авсантай би санал нийлнэ, гэхдээ үүнд би огт санаа зовохгүй байгаа.. Тэр үүнээс ч илүү зүйлийг Ливэрпүүлд өгөх ч юм билүү...

Астон Вилла 1-0 НьюКаасл.... 2 жилийн өмнөх улирлын хамгийн сүүлийн тоглолт. Ингээд НьюКаасл клуб ПЛ гэж нэрлэгдэх болсноос хойш 15 жилийн дараа дээд лигээс мултарсан юм... Тэд ийнхүү чампионшипт тоглох болоход багийн довтолгооны гол хүмүүс болох Обафеми Мартинс, Марк Видука, Дамиен Дафф... нар багаа орхиж явсан юм.. Гэвч тэднийг орлох хүн Ньюкааслд байсан нь Энди Кэрролл юм.. Тэрээр Престон Норт Энд багаас зээллэгийн хугацаа нь дуусан төрөлх Ньюкааслдаа ирээд байсан билээ.
Жинхэнэ Англи хэв маягийн хатуу ширүүн тоглолтууд Английн 2дахь лиг болох Чампионшипт болдог . Зарим хүмүүс энэ лигийн тоглолтыг “Ал эсвэл алуул” гэсэн тоглолт болдог хэмээн ярилцдаг ба энэ хатуу ширүүн тоглолтуудын дундаас Энди Кэрролл онцгойрон гарч ирсэн юм.. Тэрээр багийн нөхдүүд болох Жое Бартон, Шола Амеоби нарын хамтаар Видука, Мартинс, Дафф нарыг огт байгаагүй юм шиг гайхалтай тоглолт үзүүлж улмаар Ньюкаасл клуб Чампионшипд хол тасархай түрүүлсэн билээ..
Кэрролл чэмпионшипд 17 гоол оруулсан бөгөөд чөлөөт цохилтоос маш олон гоолыг оруулжээ. Энэ нь түүний биерхүү толгойгоороо сайн тоглодогтой холбоотой.
Премьер лигт орж ирээд энэхүү сайн тоглолтоо үзүүлж чадах болов уу? гэсэн хүлээлт фэнүүдэд байлаа. Улирал эхлэхийн өмнө Шотландын шигшээ багийн дасгалжуулагч Грэйг Левэйн түүнийг шигшээ багтаа тоглохыг урьжээ. Гэвч Английн шигшээ багийн менежер Фабио Капелло түүнийг шигшээгийхээсээ өмнөөс тоглуулахаар ятгаж чадсан юм.

НьюКаасл клуб ПЛ-д эргэж ирэн эхний тоглолтоо Манчестер Юнайтедын эсрэг хийсэн ч 3-0 ээр бут ниргүүлэв.. Гэвч дараагийн тойрогтоо Астон Вилла клубыг талбай дээр хүлээж авсан юм. Энэ тоглолт “Кэрролын шоу” гэж хэлж болохоор тоглолт болсон. Тэд өрсөлдөгчөө 6-0 ээр бут ниргэсэн бөгөөд Энди Кэрролл ПЛ-ийн анхныхаа хэт трикийг хийсэн юм. Эхний гоолоо булангийн цохилтоос ирсэн бөмбөгийг бужигнаан дундаас зүүн хөлөөрөө цохин оруулсан бол хоёр дахь гоолоо өндөр ирсэн дамжуулалтыг шууд зүүн хөлөөрөө цохин хаалгачын зүүн доод буланд оруулжээ.. Харин 3дахь гоолыг тэрээр өөрөө эхлүүлэн улмаар гоол болгосон юм. 40 ярдын зайтай байсан довтлогч Хискод нэгэн гоёмсог кросс хаян улмаар өөрөө урагшлан гүйж гоол оруулах сайхан байрлалд ирэхэд Хиско түүнд уралдуулсан дамжуулалт өгснийг мөн л зүүн хөлөөрөө цохин Брэд Фрийдлийн хаалгыг гурвантаа мялаасан юм. Тэрээр ингэж эхэлсэн гоолын цувралаа цааш нь үргэлжлүүлсэн бөгөөд 1р сард гэмтэл авах хүртлээ нийт 11 гоол оруулан мэргэн буучын тэргүүн эгнээнд бичигдэж байлаа. Зүгээр ч нэг гоолдох биш тэрээр маш чанарлаг тоглолт үзүүлж байсан нь Арсенал, Челси, Ливэрпүүл, Манчестер Сити гээд лигийн тэргүүн багуудын хаалганд гоол оруулснаас тодхон харагдана.
Мөн тэрээр өнгөрсөн 11 сард Англи болон Францын шигшээ багийн тоглолтод анх удаагаа шигшээ багт дуудагдан 9 ноймерын өмсгөлтэй талбай дээр гарсан юм. Хэдийгээр энэ тоглолтод Англичууд 2-1 харьцаатай хожигдсон ч Францын L'Quipe сонин Кэрроллыг Английн шигшээгээс хамгийн сайн тоглолт үзүүлсэн тоглогчоор нэрлэсэн юм.

Өнөөдөр түүний тоглолтыг Английн шигшээгийн домогт довтлогч Алан Шийрэр болон Данкан Фергусон нартай адилтган үздэг.. Агаараар ирсэн бөмбөгөнд үргэлж хүрэх бөгөөд, биеийн хүчний тоглолт сайтай, хүчтэй цохилттой, толгойгоороо маш сайн тоглодог чанарууд нь түүнийг яг л “классик 9 ноймер”-ын довтлогч хэмээн нэрлэж болохоор болсныг харуулж байна..
Кэрролл хүчирхэг ширүүн тоглолт үзүүлдэг шигээ зан авирын хувьд ч ширүүн догшин гэдгээ өнгөрсөн өвөл харуулаад амжсан.. Учир нь тэрээр найз бүсгүйхээ нүүрийг авах юмгүй болтол нь “гөвшиж” нэг сар гэрийн хорионд байх эрхээр шагнуулсан билээ.. Гэвч түүний энэ зан Кенниг байгаа цагт тийм ч их харагдахгүй биз ээ...

Харин одоо Кэрролл болон Суарез гэсэн хослол хэрхэн тоглох бол гэдэг талаар таамаг дэвшүүлэх гэж үзье..

Цаасан дээр бол тэд төгс хослол болох шинжтэй харагдаж байна, гэхдээ мэдээж юм тийм амархан байхгүй өчнөөн л асуудлууд гарч ирэх нь тодорхой.. Клуб 4-4-2, мөн зарим үед тоглодог 4-3-3, сүүлийн үед ашиглаж байгаа 5 хамгаалагчтай тоглох зэрэг олон хувилбарыг ашиглаж болно. Эдгээрийн алинд ч Кэрроллын байрлал нэг хэвийн байх юм.. Өөрөөр хэлбэл тэр ямар ч хувилбар сонгосон байлаа төвийн довтлогчоор тоглоно.. Харин бусад тоглогчид янз бүрээр түүнийг дэмжих байх.. Мэдээж багийн довтолгоо ихэвчлэн Кэрроллоор явагдах бөгөөд Луис Суарезын олон талт тоглолт түүнд бүр ч илүү боломж үүсгэнэ. Суарез баруун, зүүн аль ч талын туслах довтлогчоор тоглож чадах бөгөөд зарим үед түүний ард тоглох боломжтой.
Бразилын сэтгүүлч Тим Викери нэг удаа Суарез болон түүнтэй хамтрах Кэрролл нарын талаар ийн хэлж байжээ. Кэрролын тоглолтыг би үзэж байсан. Тэр Урагвайн ахмад довтлогч Себестиан Абреутай тун төстэй тоглолттой. Тэр Национал клубт Суарезтай хамтран тоглодог байсан бөгөөд нуруугаараа Кэрроллтой ойролцоо толгойгоороо маш сайн тоглодог тоглогч байсан юм. Суарезын чадварлаг тоглолт түүнд маш их боломж олгодог байсан.. Кэрролл бол Абреугийн сайжруулсан хувилбар, ирээдүйд бүр ч илүү сайжрана.. Мөн тэднийг Жеррард болон Мейрэлэш гэсэн чадварлаг хагас хамгаалагчид дэмжинэ гэхээр энэ довтолгооны хослол яаж ажиллахыг төсөөлж болох юм...гэж байжээ.

Тиймээ бид түүхэндээ байгаагүй их мөнгө зарж эдгээр довтлогчдыг өөрийн болгосон, магадгүй тэд биднийг буцаад дээд түвшинд аваачиж чадна гэдэгт итгэж болох байх.. Учир нь тэд хоёулаа нас залуу цус шингэн, амжилт гаргахаар улайран тоглоцгоох бизээ.. Бид ч тэдний гайхалтай тоглолтын гэрч болж олон сайхан ялалт, гоолуудыгхарна гэдэгтэй итгэлтэй байна.. 70 аад оны үед яг л Кэрролл шиг өндөр нуруулаг Жон Тошак болон Суарез шиг өндөр техниктэй чадварлаг довтлогч Кевин Кийгэн нарын гайхалтай хослол Ливэрпүүлд гялалзаж байсан бөгөөд олон ч цомын эзэд болцгоосон байдаг.. Яагаад энэ түүх давтагдаж болохгүй гэж...
Сүүлийн жилүүдэд Рафа-гийн удирдлагад бид Сиссе, Беллами, Воронин, Кийн гээд олон ч довтлогчдын нүүр үзсэн. Тэд хэдийгээр сайн довтлогчид ч хүссэн амжилтанд хүрч чадалгүй явцгаасан.. Учир нь өөр нэгэн довтлогчыг авчирахын тулд багаасаа хэн нэгнийг нь явуулах хэрэгтэй болдог байсан билээ..
Харин одоо клуб ч зөв голдрилдоо орж эхэлж байна.. Бид шинэ эзэдтэй болсноор санхүүгийн хувьд тогтворжиж өшөө ч илүү тоглогчдыг багтаа харах боломжтой болж эхэлсэн юм... Магадгүй бид Том Хикстэй хэвээр байсан бол хэзээ ч Суарез болон Кэрроллыг Ливэрпүүлд харж чадахгүй байсан биз ээ...

News...

Манайхан шигшээ багтаа..

Грек залуу Украйны талбай дээр очиж Воронингийхоо эсрэг тоглон клийн шийт хийсэн байна.. Ингэснээрээ Африк явах эрхдээ маш дөхөм болсон байна..

Машерано маань багаа ахлан 90 минут Испаний эсрэг тоглосон боловч хуучин багийн анд Алонсо нь дабль хийж 2-1 ээр Испаничууд хожсон...Пепе Рейна төгсгөлийн хэдэн минутад гарч тоглосон...

Дирк Койт Италийн шигшээгийн эсрэг 90 мин тоглосон бол Бабел маань 72 дэх минутаас сэлгээгээр орж ирж тогложээ...

Харин Филипп Деген 16 дотор алдаа гаргаж багаа Норвегид 1-0 оор хожигдоход том гавьяа байгуулжээ... :mrgreen:

Шкэртэл маань Словакийн шигшээ багтайгаа Америкийн багийг 1-0 ээр буулгаж авчээ..
http://www.liverpoolfc.tv

Машерано: Барсагийн тухай март

Сүүлийн үед түүнийг Барса авах гэж байна гэж хаа сайгүй шуугиж байгаа билээ. Тэрээр Барсатай холбогсон энэ олон шумийг өөрөө үгүйсгэсэн байна.
Пэп Гуардиола түүнийг маш их үнэлдэг бөгөөд энэ зун түүнийг Ноу Кампд аваачих гэж их хичээсэн билээ.
Гэвч Аргентин хагас хамгаалагч маани хэдийгээр манай баг энэ улиралд тааруухан тоглолт үзүүлж байгаа ч би багтаа үнэнч байна.. цуу ярианууд түүний ирээдүйд нөлөөлөхгүй гэжээ.
Хүн бүр Барса намайг сонирхсонийг мэднэ гэвч тэр бол одоо өнгөрсөн явдал гэж Машерано хэлжээ.
Ливерпул намайг явуулна гэж хэлээгүй. Зарим хүмүүс Барса намайг сонирхсон учир чи сайн тоглохүй байна гэж хэлж байна.
Би уриднийх шигээ тоглохгүй байгаагаа зөвшөөрнө, гэхдээ тийм учраас сайн тоглохгүй байгаа юм биш шүү.. Зүгээр л бидний хувид онцгүй улирал эхэллээ гэжээ

Үнэн худлаа н мэдэгдэхгүй ийм нэг ярилцлага байна.
http://www.espnstar.com/football/premier-league/news/detail/item345673/Mascherano:-Forget-about-Barca/


Xabi Alonso: After five years at Liverpool I needed a change

Энэ зун Анфиелдээс явснаас хойш сурвалжлагчдын хараанд ховор өртсөн Алонсо маань Реал Мадридыг тойрсон элдэв шуугиан намдахыг хүлээн чимээгүй байсан аж.

Тэрээр Испанийн "Хала Мадрид" сэтгүүл өгсөн ярилцлагадаа:
Агуу түүхтэй Ливерпуль клубтээ өнгөрүүлсэн 5 жил миний хувьд үнэхээр сайхан байсаaн, Гэхдээ надаа өөрчлөлт хэрэгтэй болсон.

Реал Мадридаас ирсэн санал манай багт ч чухал байсан байх. Тэд 5 жилийн өмнө ч надад аятайхан санал тавьж байсан.. Гэвч би Ливерпулийг сонгосноороо алдаагүй.. Харин ч их зөв зүйл болсон..

Реал Мадридын энэ улирлын талаар: Мэдээж бид бүрэлдэхүүний хувьд маш сайжирсан. Бид одоо дажгүй тоглож байгаа ч бид амбиц гаргалгүй, өшөө суралцаж, тоглолтоо сайжруулах хэрэгтэй байгаа..

...Реал Мадрид энэ улиралд Испанийн Прьемер Дивизионд түрүүлж тайтл авч чадна гэдэгт огтхон ч эргэлзэхгүй байна... гэжээ

Алонзо маань Реалын бүрэлдэхүүн 12 удаа тоглоод байгаа бөгөөд 3 ассист хаяад байгаа юм байна...

http://www.imscouting.com/global_news_item.aspx?id=3595

DIFFICULT BUT NOT IMPOSSIBLE

Зиак урьд шөнө Аваргуудын Лигийн 4 дүгээр тойргийн тоглолтууд явагдаж өндөрлөлөө.. Манайхан өмнөх тойрогт талбай дээрээ гусуулсан Францын Лионы талбайд зочилж тоглолоо...

ПЛ-т 5 хожигдолтой, ЧЛ-д 2 хожигдолтой гээ л манайхны хувьд ч хар дарсан зүүд шиг улирал болж байгаа даа... Дээрээс нь гарааны бүрэлдэхүүн бараг тэрэг чигээрээ бэртэл гэмтлээс салахгүй байгаа гээ л..

За тэгээд Францад манайхан Анфиелдэд тоглосон бүрэлдэхүүнээс арай чанга бүрэлдэхүүнтэй очсон.. Тоглолтын хувьд ч дажгүй л тоглож байлаа.. Манайхан довтолж Лион хамгаалаа л..
83 дэх минд ирсэнээсээ хойш ихэнхдээ сэлгээнд сууж байгаа нисдэг Голланд Бабел маань цөм цохиж гоолдвоо... Манайханд ч итгэл найдвар төрөөд эхэллээ.. Ингээд бараг хожлоо кармаалдгийн даваан дээр цаг дуусч байхад манай энэ зуны наймаа үлэмж биет Грек залуу маань ирсэн бөмбөгийг мөргөөд холдуулчих юман дээр сунаж унаснаар хаалгачын эсрэг Лионы 2 тоглогч гараад ирвээ... Отон байгаасай бурхан минь.. битгий гоол болоосой гэж гуйсан боловч бурхан миний гуйлтыг сонссонгүй Лионы шинэ цэрэг Лисандро Лопез цохиод гоол хийчлээ :( Баярлаж хөөрсөн Лионы довтлогч, үзэгчдийг хараад уур аймшигтай их хүрч шууд орондоо ороод хэвтээд өгсөн дөө.

Ингээд одоо манай хэсэг иймэрхүү байдалтай боллоо...

Лион 4 10
Фиорентина 4 9
Ливерпуль 4 4
Дебречен 4 0

Одоо хэсгээс гарахын тулд бид Дебречен, Фиорентинаг хожиж, харин Лион Фиорентинаг хожихыг хүлээх хэрэгтэй болсон... Бараг л боломжгүй зүйл мэт харагдаж байна...
Тиймээ маш хэцүү... гэхдээ яагаад бүх юм дууссан гэж... Хөлбөмбөгт юу ч тохиолдож болно... Тоглолтын дараа Рафагийн хэлсэн DIFFICULT BUT NOT IMPOSSIBLE гэсэн үгээр энэ бичлэгээ өндөрлөе дөө...

Ливерпуль 2-0 Манчестер Юнайтед

Ливерпуль 2-0 Манчестер Юнайтед
ПЛ-ийн 10р тойрогт Английн болон дэлхийн хамгийн ширүүн дерби тоглолт болох Ливерпуль vs Манчестер гэсэн тулаан боллоо.
Тоглолт эхлэхэд Улаанууд өнөөх л үндсэн формээшн болох 4-2-3-1 ээрээ гарч ирлээ. Гэхдээ өмнөх тоглолтуудаас бүрэлдэхүүнд бага зэрэг өөрчлөлт оржээ. Хамгаалалтад Шкэртэлийн оронд солгой Дани залууг, Бенаюунг баруун жигүүрт тавьж, харин Коетыг Жеррардын байрлал болох довтлогчийн ард тавьсан байлаа. Оролцох эсэх нь эргэлзээтэй байсан Торрес энэ тоглолтод гараанд гарсан нь копуудыг маш их баярлуулав...
Харин Чөөгийнүүдийн хувьд үндсэн 4-4-2 оороо тоглохоор гарч ирсэн. Мөн л бэртэлтэй байсан Рууний гараанд гарсан байв..
Ингээд тоглолт эхэллээ.. Талбай дээрээ байгаа манайхан арай санаачлагатай тоглон довтолж тоглож байв.. Эхний довтолгоог Лукас хүү 16 гийн шугам орчмоос хаалга руу цохьсон ч нилээн зайтай өнгөрсөн..
Бэртлээс ирсэн Алтан Жаал маань нилээн идэвхтэй тоглож байв.. Жигүүрээс бөмбөг аван довтолгоонд оролцож Патриц Эвраг маш их сандаргаж байлаа. Үүнийхээ хүчинд Эвраг шар жавтийгаар шагнуулж, маш эвгүй байрлалаас чөлөөт цохилт цохих эрхтэй болов. Цохилтыг Фабио Аурелио цохихоор бэлдэнэ. Түрүү жил Олд Траффордод яг энэ байрлалаас хаалттай цохилтоос гоолдож байсан билээ. Ер нь ч Саар энэ байрлалаас гоол алдаж байсан нилээн хэдэн тохиолдол мэдэх юм байна.. Хэдэн жилийн өмнө Шунсуке Накамура 2 цохио л 2 гоол хийж байсан.. Аурелио маань яагаад чадахгүй гэж... Ингээд цохилтыг гүйцэтгэсэн боловч Саар энэ удаа харин маш гайхалтай хаалт хийж багаа аварлаа.. Гайхалтай цохилт, фантастик сэйв...
....Удалгүй талбайн төвөөс бөмбөг тасалж сөрөг довтолгооноор Коет бараг л 1 эсрэг 1 гаран цохьсон боловч хаалгаа оносонгүй.. Хариуд нь Манчестерийхэн довтолж Валенсигийн дамжуулалтаар Рууний мөргөж эгээтэй л гоолдчихсонгүй.. Рейна байрандаа байж бөмбөгийг аюулгүй болголоо.. Энэ тоглолтод Манчестерийн хамгийн аюултай довтолгоо энэ байсан байх.. Манайхан прессинг сайн хийж, бөмбөг сайн тасалж МанЮг бараг л довтлуулахгүй байлаа...
...Ингээд 2-р үед гоол ороогүй ч тоглолт ширүүн үргэлжилжсээр байлаа.. Манчестерийн хэд хэдэн тоглолт шар жавтий хүртсэн бол манайхаас Каррагер мөн шагнуулаад байв..
Тоглолтын дэх мин. Сөрөг довтолгооноор Коет дээр бөмбөг ирж, мань хүн баруун талаар гүйж байсан Бенад дамжуулж, Израйл залуу маань ч нэг их нухалгүй 2 хамгаалагчын дундуур Торрест уралдуулсан пасс хаяв.. Торрес торгуулийн талбайд бөмбөг хүлээж аван, Фердинандыг биеэрээ хашин шууд хаалга руу цөм цохьлоо.. Хаалгач хаах ямар ч боломж байсангүй.. ГОООЛ!!! Гайхалтай финиш..Тиймээ ингээд бид 1-0 ээр тэргүүлж эхэллээ.. Алтан жаал маань ингээд 9 гоолтойгоор ПЛ-ийн мэргэн буучийг тэргүүлсэн хэвээр үлдлээ...
...Өнөөдөр манай хамгаалалт тун сайн байлаа. Жонсон бэртлээс эргэн ирсэн дээр Даниел Аггер гараанд гарсан нь нүдээ олсон сонголт болжээ.. Рафа ахиж гоол хийх гэж нэх улайрахгүй байгаа бололтой гоолын эзэн Торресыг суулгаж Давид Нгогийг оруулж ирлээ..
Гэнэт сөрөг довтолгооноор Коет хаалгачийн эсрэг гарах боломжтой байсан ч Видич түүнийг татаж унагааснаар энэ тоглолтод 2 дахь шар хуудсаа авч талбайг чөлөөллөө.. Видич ч манайх дээр улаан авах заяатай төржээ :D
Тоглолтын үндсэн цаг дуусч шүүгч 5 минут нэмэв. Энэ эгзэгтэй үед дуусашгүй хугацаа мэт санагдаж байлаа... Бөмбөг таслах гэж хэтэрхий улайрсан Машерано маань Саар дээр алдаа гаргаж мөн л 2дахь шар хуудсаа хүртэн талбайг чөлөөлөв.. Бас л МанЮ дээр улаан авах заяатай төрчжээ. :P Шал дэмий л газар алдаа гаргачлаа даа...
Шүүгчийн мэдлийн цаг бараг дуусаад байлаа...Гоол алдсандандаа улайрч довтолсон МанЮ хамгаалалтдаа алдаа гаргаж мөн л сөрөг довтолгооноор Нгог хаалгачын эсрэг ганцаараа гараад ирлээ. Энэ удаа Франц залуу маань маш тайван байж Ван Дер Саарын баруун буланд цохьж гоолдоод 2-0!!! Ингээд конец филма... Хавьд төрөөгүй сайхан мэдрэмж...
Маш хүнд дарамтан дор тоглож ялалт байгуулж биднийгээ баярлуулсан мерсисайдын дайчиддаа баярлалаа... Одоо энэ эрчээрээ сэргэж, байнга хожиж байх болтугай...

Энэ тоглолтод тоглосон бүрэлдэхүүнийг өөрийхөөрөө дүгнэвэл:

Рейна: 10 оноо. Хэдийгээр ажил багатай байсан ч алдаа гаргалгүй тоглож клийн шийт хийсэн...
Жонсон: 9 Бэртлээс ирээд бас л дажгүй тоглолт үзүүллээ.. Урьдных шигээ довтолгоонд сайн оролцож чадаагүй ч хамгаалалтад сайн байсан..
Каррагер: 9 Өнөөдөр Карра маань нэг шар хуссаныг эс тооцвол гайхалтай байлаа.. Үнэхээр зоригтой дайчин байсан.. Кэррик дээр ч эвгүй такл хийсэн дээ кк..
Аггер: 10 Энэ залуу ч өнөөдөр гайхалтай байсан даа..Ямар ч алдаа гаргаж харагдаагүй.. Одоо гараанд гаргаад байвал ч..
Инсуа: 9 Манай жижкэн залуу идэвхтэй сайн тоглолт үзүүлсээн. Хамгаалалтад сайн байсан..
Лукас: 9 Байнга бүтэлгүйгээр дуудуулдаг мань хүн өнөөдөр нэг шувуу буудсаныг эс тооцвол тун дажгүй тоглов...
Машерано: 9 Уул нь 10 өгчмөөр байсан ч улаан хуудас авцан болохоор 9 болгочлоо.. Маше ч ямар хүн бэ гэдгээ харуулсан даа..
Бенаюн: 9 Яг санасанд хүртэл тоглоогүй ч Торрест гайхалтай пасс өгсөн дөө...
Аурелио: 9 Довтолгоонд маш идэвхтэй оролцож байсан. Чөлөөт цохилтууд дээр ч Саарыг түгшүүлж байсан байх даа кк.
Коет: 8 Хэд хэдэн гоё боломж байсан ч ашиглаж чадаагүй...Гэхдээ л хөдөлмөрч Коет хэвээрээ л байсан.. Гоолын довтолгоонд оролцсон, Видичийг улаан авахуулсан гээ л...
Торрес: 10 Хийх ёстойгоо л хийсэн дээ.. Бэртлээс ирмэгцээ МанЮд гоолдоо л.. Бараг нэг цохио л нэг гоол хийцэн байх шүү... Одоо ахьж л бэртэл гэмтэлд баригдчихгүй байгаасай даа...

Жудо Дашт, Голланд Роттердам

Watch live video from ESPORTES TV 8 on Justin.tv

FIFA09 тэмцээн

Click here

Тэмцээний дүрэм:
Gameplay:
Half Length
-6 min
Difficulty Level
-World Class
Game Speed
-Normal
Injures
-On
Offside
-On
Booking
-On
Stadium
-Bay Arena
Weather
-Sunny Day

Game Controls
Заавал ийм байх шаардлагатай.


Анхаарах зүйлс
Өөрийн зооноос агаараар уралдуулсан пасс буюу Q+W хийхийг хориглоно.
Булангаас 5-ийн шугам руу пасслахыг хориглоно.
Хажуунаас бөмбөг гаргахдаа 16 шугам руу шидэхийг хориглоно.
Тоглоомны өөрийх нь цагаар 2 минутаас илүү цаг барихыг хориглоно.

Тони Мовбрэй

За 10-аад хоног өвөө эмээ нартай сувилалдаж байгаад ирлээ. Сайхан байлаа кэкэ.
Тэгээд амралтанд зүгээр хэвтэж байхаар гээд Селтикийн шинэ менежэрийн талаар жаал жуул юм орчуулах гэж үзлээ.. Ямар ч байсан ВБ-ийг дээд лигд оруулсан овоо эр гэдгийг нь мэдэх юм.. гэхдээ буцаагаад бас унагаасан л даа :D


Тони Мовбрэй

Бүтэн нэр: Антони Марк Мовбрэй
Төрсөн он: 1963-11-22
Төрсөн газар: Англи, Салтбурн
Өндөр 1.85м
Байрлал: Хамгаалагч

Тоглогчын хувиар:

1982–1991 - Миддлесборо
1991–1995 - Селтик
1995–2000 - Ипсвич Таун

Дасгалжуулагчийн хувиар:
2002 - Ипсвич Таун
2004-2006 - Хиберниан
2006-2009 ВестБромвич
2009- Селтик



Манай багийн нэг фэн ийн бичжээ..Орчуулгын алдаа их байгаа байх өөрсдөө засаад уншчаарай. :D


Саяхан ВестБромын дасгалжуулагч Тони Мовбрэйг Cелтикийг дасгалжуулах болсонтой холбогдуулан ВестБромын фэнүүд өөрсдийнхөө дургуйцлийг гаргаж миний блогт элдэв долоон юм их бичсэн байна лээ. Тэдний бичсэнээр бол Мовбрэй тэдэнд ямар нэгэн өртэй, байнга Аваргуудын Лигд тоглохын тулд тэднээс жигшүүртэйгээр урваж байна гэж бодож байгаа. Юуны түрүүнд орчин үеийн Европын хөл бөмбөгийн шилжилт хөдөлгөөнтэй энэ үед Мовбрэйг баян клуб их мөнгө амлахад нь унасан морио хаясан урвагч хэмээн уурлаж өөрсдийнхөөрөө зүтгэсээр байна лээ. Хоёрдугаарт, эдгээр дэмжигчид нь Moвбрэйг Селтик клубтэй ямар харилцан холбоотой гэдгийг сайн ухамсарлахгүй байна.Тэд бас Мовбрэйн шийдвэрийг хүндэтгэх хэрэгтэй. Мэдээж баг нь доод дивизионд унасан хэцүү үед өөр тийшээ явж байгаа нь тиймэрхүү санагдавч хамгийн хайртай багаас нь биднийг удирдаад тоглуулаач гэсэн боломжийн санал тавьхад ямар ч хүн ийм л сонголт хийх байсан бус уу? Мовбрэйд Селтикийг гэсэн ямар их сэтгэл байгаа нь түүний хэдэн жилийн өмнө Селтикийн фэнүүдэд зориулан бичиж байсан захидлаас тодорхой харагдана. Энэхүү захиаг би ВестБром болон Селтикийн зарим нэгэн фэнүүдэд зориулан дэлгэж байна..

Liam Brady 1991 онд Селтик намайг авахаар миний тоглж байсан Миддлесборогийхонтой ярьж байна гэж надад хэлэх үед би Глазго хотын Селтик клубын талаар тийм ч сайн мэддэггүй байсан. Миний мэддэг юм гэвэл тэр клуб их алдартай бөгөөд гайхамшигтай түүх судартай, Европын Аваргуудын Лигийн цом хүртсэн хамгийн анхны Британийн клуб гэдгийг л мэдэж байсан. 1980 хэдэн онд намайг Боро-д тоглож байх үед манай залуучуудын багийн дасгалжуулагч Cелтик клуб болон, тэр клубт тоглодог агуу хөл бөмбөгчдийг магтан сайшааж ярьдаг байсан. Та нарын асуух гэж бодож байгаа тэр дасгалжуулагч хэн байсан бэ гэвэл тэрээр өмнө нь Селтик клубын шилдэг тоглогчдын нэг байсан бөгөөд түүний нэрийг Bobby Murdoch гэдэг.

1995 онд би Cелтик клубыг болон тэр тусмаа хөгжөөн дэмжигчдийг орхин явах болоход миний зүрх сэтгэлд хэзээ ч арилашгүй гунигт дурсамж төрж, тэр дурсамж ахиж хэзээ ч намайг орхиж яваагүй юм.
Клубын түүхэн дэх хүнд хэцүү цаг мөчид би өөрийнхөө бүх зүйлийг клубт өгч шилдэг тоглогч нарын багт тоглож байсандаа сэтгэл бахдалтай байдаг. Энэ үе бол Глазго хотын East End-д эргэж хөрвөөсөн цаг байсан бөгөөд “sack the board”” бүлэглэл нь хотын олон тооны хөл бөмбөгийн багууд дунд толгой цохиж байсан юм. Энэ үед Селтик клубт өөрчлөн байгуулалт болж байсан бөгөөд би Селтикийг орхихоос өөр аргагүй болсон. Миний Селтикт байхад ойлгосон зүйл бол сайн цаг мөдхөн ирнэ, тэр сайн цаг нь булан тойроод л болно, Cелтик клуб удахгүй их амжилт гаргаж “цэнхэр тэнгэрийн наран доор сүлд дуугаа дуулна” гэдэгт клубын хөгжөөн дэмжигчид итгэж байсан юм. Манай багийн фэнүүд биднийг сэтгэл зүрхнээсээ дэмжиж байсан бөгөөд, тэр л фэнүүдийнхээ багаа дэмжсэн уухайн дунд тоглохдоо би энэхүү агуу гэр бүлийн салшгүй нэг гишүүн гэсэн үгээр хэлж болшгүй сайхан мэдрэмж төрдөг байсан. Тиймээс ч бид үзэгч, дэмжигчдийнхээ төлөө өөсдийгөө бүрэн дайчилж тэднийгээ сайхан тоглолтоор шагнан баярлуулах гэж хичээн тоглодог байсан юм. 1995 оны тэр нэг гунигт өдөр би хорт хавдраар эхнэрээ алдан, улмаар клубээ орхиж ахиж тэрхүү үзэгчдийн дундах гайхалтай сайхан мэдрэмжийг мэдрэх боломжгүй болсон юм. Миний амьдрал хугарсан тэр үед би үнэхээр ямар ч бие, сэтгэлийн тэнхэлгүй болсон ба бөгөөд хайр сэтгэл, халуун сэтгэлийн үггүй энэ амьдрал утгагүй санагдах үе ч байлаа. Гэвч миний амьдрал хоосон болсон энэ үед Cелтик клубын маань тив тивийн хэдэн мянган фэнүүдээс сэтгэлийн үгс ирж тэдгээр нь миний амьдрал дах хоосон орон зайг өөрсдийн утга агуулгаараа дүүргэхэд тусласан юм.

Миний урьд хэлсэнчнээр Селтик бол үргэлж миний клуб байх болно.Би McStay, Nicolas, Collins, Grant, Bonner болон бусад олон хүн шиг агуу “Celt”-үүд шиг энэ клубын төлөө тоглож байснаараа бахархдаг. Гэхдээ хамгийн гол миний мэдэж байгаа юм бол миний жерсиг татаж авах үед би бүх юмаа өгсөн яагаад гэвэл би Селтик клубээ сэтгэл зүрхнээсээ дэмждэг хөгжөөн дэмжигчдийнхээ үнэнхүү жинхэнэ “Celt” байна гэдгээ мэдэж байна.

Биеэ бодож байхтун, Бурхан өршөөх болтугай.

Та бүхнийг хүндэтгэсэн

Ipswich town багийн менежер Тони Мовбрэй.

The Holy Goalie

Артур Боруч

Бүтэн нэр: Артур Боруч
Төрсөн он сар: 1980-02-20 29 настай
Төрсөн газар Siedlce, Poland
Байрлал: Хаалгач
Хоч: The Holy Goalie

Тэрээр 1980 оны 2 сарын 20нд Польшд төрсөн.. Селтик болон Польшийн шигшээ багийн үндсэн хаалгач. Өнгөрсөн жил дэлхийн топ5 хаалгачын тоонд багтсан билээ.



Клубын карьер

Польшд
Анх 1998 онд Pogon Siedlce гэж төрсөн нутгийхаа багт хаалгачаар тоглож эхэлжээ. Дараа жил нь Legia Wasrzawa гэж улсынхаа алдартай клубд уригдан сэлгээний багт тоглож эхэлсэн байна. Энэ жилдээ Dolcan Zabki клубд хагас жил зээллэгээр тоглосон.
Харин багтайгаа Лигийн эхний тоглолтоо 2002 оны 3 сард хийсэн ба энэ улиралдаа үндсэн хаалгачын байрлалыг баттай эзлэв.
2004 оны 6 сард Widzew Łódź гэж багийг 6-0 ээр хожиход пеналтаас гоол хийж байжээ.

Шотландад
2005 оны 6 сарын 20нд тэрээр Селтик клубд нэгдсэн билээ. Анх нэг жилийн хугацаатай зээллэгээр ирсэн ч тэрээр клубтайгаа 2009 он хүртэл шинэ гэрээ байгуулж Селтикийн тоглогч эргэлт буцалтгүй болов. Өнгөрсөн жил тэрээр багтайгаа ахин шинэ гэрээ байгуулж 2011 он хүртэл Селтикийн төлөө зүтгэхээр болсон.
2006 оны 11 сарын 21 нд Аваргуудын Лигийн хэсгийн тоглолтод Селик Паркд Манчестер Юнайтед багтай хийсэн тоглолтод Накамурагийн гайхалтай хаалттай цохилтын ачаар Селтик 1-0 ээр хожиж явсан ба 89 дэх минд Манчестерийн Люис Сахагийн 11 метрийн цохилтыг хааснаар Селтик клуб шөвгийн 16д үлдэх эрхтэй болсон билээ.
Ер нь ч энэ үед тэрээр ер бусын гайхалтай тоглолт үзүүлж байсан ба 2007 оны Шотландын шилдэг хаалгач болж оны Шилдэг Хөлбөмбөгчинд нэр дэвшсэн юм.
2007 оны намар Аваргуудын Лигийн урьдчилсан шатны тоглолтод Спартак Москва багтай тоглоход тоглолтын явцад нэг пенальт хааж улмаар 11 метрийн торгууль цохиход гавьяа байгуулж Селтик маань Аваргуудын Лигд өрслөдөх эрхтэй болсон билээ.
Харин өнгөрсөн нэгдүгээр сард Шотландын цомын тэмцээнд Дундээ Юнайтед багийн эсрэг пеналтиас гоолдож Селтикийн төлөө нэг гоол хийгээд амжсан.


Шигшээгийн карьер

2004 оны 4сарын 28 нд Ирланд Польш улсуудын нөхөрсөг тоглолт дээр анх шигшээ багийнхаа бүрэлдэхүүнд тоглож эхлэжээ.. Энэ тоглолт нь гоолгүй тэнцээгээр өндөрлөж байж. Харин өнгөрсөн сар Ирландын шигшээтэй тоглож 3-1 ээр хожигдоход манай хүн 2 ч том алдаа гаргасан. Харин 2 хоногийн дараа Сан Маринотой хийсэн тоглолтод клийн шийт хийсэн ба баг нь 10-0 ээр хожсон билээ. 2004 хойш тэрээр Польшийн шигшээ багийн хаалгыг одоог хүртэл манаж байгаа ба 41 тоглолтод оролсон байна.

2006 оны дэлхийн аварга

Дэлхийн аваргад оролцох 23 тоглогчид багтан Германд ирсэн билээ. Томаш Кушчак, Лукас Фабайнски нарын хаалгачдаас Боруч гараанд гарч тоглосон. Хэдийгээр баг нь хэсгээсээ гарч чадаагүй ч Боруч гайхалтай тоглолт үзүүлж байсан. Ялангуяа Германы шигшээ багийн эсрэг маш олон гайхалтай сэйв хийж байсан ч сэлгээгээр орж ирсэн Оливер Ноевиль тоглолтын төгсгөлд гоолдож харамсалтайгаар хожигдож байсан.

2008 оны Европын аварга
Мөн л шигшээ багийнхаа үндсэн хаалгачаар Европын аваргад тоглосон. Баг нь хэдийгээр хол яваагүй ч Боруч хийдгээ л хийж байсан. Тэмцээний үеэр түүнийг сонин хэвлэлүүд “Сансрын нисгэгч” хэмээн хочилж байлаа.

Цаадах чинь зан аашийн хувьд бас жоохон ширүүн талдаа Селтикд ч тэр Польшдоо ч тэр хэдэн хамгаалагчаа бол бараг барьж аваад зодох нь холгүй л загнадаг даа. Энэ нь ч фэнүүдэд багагүй таалагддаг.
Өнгөрсөн 8 сард Украйнтай хийсэн нөхөрсөг тоглолтын дараа багийнхаа хэсэг нөхдийн хамт буудалд сахилгагүйтэн 2 ч тоглолтод оролцох эрхээ хасуулаад амжсан. Гэхдээ 10 сарын 11д Чехийн эсрэг тоглолтод оролцсоноор буцаад шишгээ багийнхаа хаалгыг манаж эхэлсээн.

The Holy Goalie буюу түүний хочны тухай

2006 оны 8-р сарын 25-нд Стратклидийн цагдаа түүнийг жилийн өмнөх тоглолтон дээр Рейнжерсийн дэмжигчдийн өмнө тэднийг доромжлох үйлдэл хийсэн хэмээн буруутгажээ. “Сандэй Гералд” сонинд гарснаар “26 настай Боруч гурван хуруугаараа байнга залбирал үйлддэг хийгээд хуруугаараа V sign буюу “ялалт” гэсэн үгийг үзүүлснийг нь цагдаа зүй бус үйлдэл хийсэн гэж мэдэгдсэн байна” гэжээ. /Яагаад энэ нь доромжилсон болох бэ гэхээр Селтик католик шашинтай, харин Рейнжэрс протестант шашинтай ба дээр үеэс энэ 2 шашин хоорондоо зөрчилдөж дайн байлдаан болсоор ирсэн түүхтэй. Харин орчин үед энэ тэмцэл нь Глазго хотын дерби болох Селтик Рейнжэрс 2 багийн тулаанаар ногоон талбайд илэрдэг. Боручын үзүүлсэн тэрхүү үйлдэл нь Протестантуудыг доромжилсон үйлдэл гэж би ойлголоо./ Гэхдээ хачирхалтай нь түүний хийсэн үйлдэл нь камерт бичигдээгүй ба цагдаа болон гэрчийн мэдүүлэг дээр үндэслэн буруутгасан байна. Энэ гэнэтийн тохиолдол түүнийг “The Holy Goalie” гэдэг хочтой болгосон байна.
Шүүх хурал дээр прокурор хэлэхдээ олон нийт болон цагдаагийн оффицер түүний үйлдлийг харсан гэжээ. Үзэгч гэрчүүд түүнийг Ренжерсийн фэнүүд рүү харж инээмсэглэн шоолж, “алив” гэх дохио үзүүлсэн гэжээ. Энэ үйлдэл нь Рейнжэрсийн фэнүүдийг галзууруулах дөхсөн ба цагдаагийхан болон хамгаалалтын ажилчид үзэгчдийг хэвийн байдалд оруулж нөхцөл байдлыг намжаах гэж 10аад минутын турш арга хэмжээ авсан гэж цагдаагийхан хэлжээ. Шотландын парламентын ажлын албын мэдэгдэж буйгаар долоовор дунд хуруугаа гозойлгох нь Ромын Католик шашны нэгэн илэрхийлэл үүнийг хууль зөрчиж магадгүй хэн нэгнийг анхааруулах гэж хэрэглэдэг аж.
Ромын Католик сүм “шашны илэрхийллийг энгийн байдлаар хэрэглэдэг дэлхийн цөөн хэдэн орны нэг нь Шотланд бололтой” гэж албан ёсоор мэдэгджээ. 2006 оны 8-р сарын 28-нд Кроун оффис хэвлэлд тайлбар өгөхдөө Боручын Рейнжерсийн дэмжигчдэд үзүүлсэн үйлдэл нь түүний залбирлаас илүүтэй хүнд үйлдэл гэж үзэж байгаа ба үүний эсрэг маш хөнгөн арга хэмжээ авсан бөгөөд тэдгээр хүмүүсийн шашны баримтлалыг хамгаалах үйлдэл хийгээгүй” гэж онцлон тэмдэглэжээ. BBC онлайн мэдээгээр энэ явдал нь шашны ягшмал үзлийн асуудлаар хурцадмал байдал Шотландад үүсгэсэн” гэжээ. Ромын Католик сүм Краун оффисын гаргасан тодорхойлолтыг хүлээн авсан ба ялангуяа “түүнийг өршөөх ямар ч зам байхгүй” гэсэн мэдэгдлийг илүү таатай хүлээн авсан байна.
2006 оны 12-р сарын 17-нд Боруч буруутгагдснаасаа хойш анхныхаа Өлд Фирмийн тоглолтонд ороод тоглолтын турш залбирсан ба Рейнжэрс хаалганд бөмбөг оруулсны дараагаар Рейнжерсийн дэмжигчдид түүн рүү чангаар уухайлан хашгирч байсан байна. Селтикийн хэвлэлийн төлөөлөгч түүний үйлдлийг хамгаалж “Артур Боруч нь Селтикийн хөл бөмбөгийн клуб болоод цагдаа нарын хувьд ч ямар нэгэн асуудал гаргаагүй” гэж мэдэгдсэн байна.
Одоо тэрээр Рейнжэрстэй тоглох болгоны өмнө хаалган дээрээ ирж залбирдаг уламжлалтай билээ..

Хувийн амьдрал

Боруч Легиа Варшав багийн үнэнч фэн. Тэдний тоглолт болгоныг анхааралтай үздэг. Легиа Варшав клубийн хөгжөөн дэмжигчдийн холбооны гишүүн ба ажилд нь туслалцдаг.
2007 онд 27 настай Польш бүсгүйтэй гэрлэсэн.
2008 оны 6 сард анхны хүү Алекс нь мэндэлсэн.

You'll never walk alone!!!

Тиймээ энэ дууг мэдэхгүй Ливерпулийн фэн гэж байхгүй..
Ливерпуль хотын Анфиелд Роад цэнгэлдэх хүрээлэнд алдарт Ливерпуль клубын тоглолт эхлэх болгоны өмнө энэ дуу цуурайтдаг. Сүлд дуугаа сонсож талбай дээр гарсан тоглогч бүхэн зөвхөн ялалтын төлөө тоглосоор ирсэн билээ...


When you walk through a storm hold your head up high,
And don't be afraid of the dark.
At the end of a storm is a golden sky
And the sweet silver song of a lark.

Walk on through the wind,
Walk on through the rain,
Tho' your dreams be tossed and blown.
Walk on, walk on with hope in your heart,
And you'll never walk alone,
You'll never walk alone!

Дууны үг ер хүнд урам өгч итгэл хайрласан бусын ид шидтэй билээ..

2009 оны хоёрдугаар сарын 18нд Америкийн Вашингтон дахь Линколины дурсгалын хөшөөний дэргэд болсон Брак Обамагийн ерөнхийлөгчийн сонгуулийн “Бид бүгд нэг” хэмээх баярын концертэд энэ дууг дуулсан билээ. Дууны үгийн -“Борооноор ч алх, мөрөөдөл чинь хаягдан салхинд хийсэн алга болсон ч үргэлжлүүлэн алх зүрхэндээ найдвар тээн алх” гэсэн хэсэг нь эдийн засгаараа гүн хямралд орж туйлдсан, маргаашийг гэгээлэг байна гэдэгт л итгэж байгаа манай үндэстэнд илүү тохирсон шиг санагдаж байна.

Дууны түүхээс цухас дурьдвал:
Дууны үгийг тэртээ 1945 онд Оскар Хаммерстэйн гэдэг хүн бичсэн ба аяыг Ричард Роджерс зохиож байсан байна.. Анх Christine Johnson гэдэг дуучин дуулж олны хүртээл болгосон ба Америкд Кароусел гэдэг музикл дээр дуулагдаж байжээ...

Харин 1960 аад оны үед энэхүү дууг Ливерпул хотын Gerry & The Pacemakers хамтлаг дуулсан нь маш их амжилт олж Английн хит парадыг 4 долоо хоног тэргүүлсэн байна. Ингээд манай Ливерпуль клубын сүлд дуу болох зам нээгдсэн билээ..Ливерпулийн хуучин тоглогч Томми Смит Gerry & The Pacermakers хамтлагын ахлагч Gerry Marsden нар тэр үеийн Ливерпүүлийн менежер Билл Шанклид дууныхаа бичлэгийг танилцуулжээ. “ Шанкли ч юу сонсчвоо хэмээн мэл гайхаж цэл хөхөрчээ. Ингээд энэхүү гайхалтай дуу Ливерпулийн сүлд дуу болсон түүхтэй.Ер нь Ливерпуль клуб үргэлж сэтгүүлч нарын анхаарлын төвд байдаг байсан учир Gerry & The Pacermakers хамтлагч нэр гарахад улам түлхэц болсон юм.
Гэхдээ энэ дууг зөвхөн Ливерпулийн фэнүүд дуулаад зогсохгүй мөн Шотландын Селтик, Хиберниан, Голландын Фэйноорд багийнхан мөн дуулдаг юм.
Мөн энэхүү дууг Nino Simone, Johnny Cash, Gordon MacRae, Judy Garland, Mario Lanza, Roy Hamilton... гэх мэт маш олон хамтлаг дуучин дуулсан ба тэдний дунд алдарт Elvis Presley ч багтдаг юм. Pink Floyd хэмээх рок хамтлаг “Fearless” хэмээх 1971 онд гаргасан цомогт “ You’ll never walk alone”-г Ливерпулийн дэмжигчид дуулсанаар оруулсан байдаг. Бичлэг дууны дундуур нилээн хэдэн удаа давтагддаг бөгөөд дууны төгсгөлд дангаараа дуулагддаг.
Сүүлийн үед л гэхэд 2007 оны “Америкийн Шүтээн” хэмээх дэлхий нийтийн анхаарлын төвд байдаг телевизийн шоуны финалын шатанд залуу дуучин Jordin Sparks дуулсан ба хүмүүсийн сэтгэлийг асар их хөдөлгөж улмаар тус шоунд түрүүлж ирээдүйн том од болох гараагаа эхлэсэн...
Мөн 2007 онд Анфиелдэд болсон “You’ll never walk alone” сэтгэл хөдөлгөсөн тоглолтыг үзсэн Испанийн Олимпийн Хорооны Ерөнхийлөгч Александро Бланко өөрийнхөө улсын үггүй төрийн дуулалдаа үг хайх онгод орсон гэдэг.

За ингээд төгсгөлд нь хэлэхэд энэхүү гайхалтай дуутай Ливерпуль клубын олон ялалт, ялагдал,баяр хөөр, дурсгалтай мөчүүд холбоотой бөгөөд энэ л дуутайгаа хамт агуу амжилтыг үзүүлсээр ирсэн цаашид үзүүлсээр ч байх болно оо...

YOU WILL NEVER WALK ALONE!!!

Татахыг хүсвэл
Фэнүүдийн дуулснаар
Gerry & The Pacemakers
Жордин Спарк
Элвис Прэсли

Spain 2-0 England

Сэрүүлэг тавин байж энэ тоглолтыг үзсэн.. Испанийн шигшээ багийн хувьд Евро2008 ын бүрэлдэхүүн бараг байсан бол Англичуудын хувьд Рууний, Овен, Жеррард, Жо Коул, Уолкотт, Фердинанд зэрэг тоглогчид байгаагүй.. Гэсэн хэдий ч ямар ч багтай үзэлцэхээр л бүрэлдэхүүнтэй байсан..

.................Жеймс

Жонсон...Ягелка....Терри.....Коул

Шон....Кэррик...Барри.....Даунинг

..........Хэскэй.....Агбон

гэсэн бүрэлдэхүүнтэй гарсан... Тоглолт эхлээд овоо тэнцүүхэн тоглож эхний аюултай довтолгоог Даунингийн дамжуулалтаар Агбон хийсэн.. Гэвч Испанийн төвд гарсан хагасууд болох Сенна, Алонсо, Шави, Инеста нар төвд үнэхээр гайхалтай тоглож илүүрхэж эхэлсэн.. Ингээд эхний гоол нэгдүгээр үеийн төгсгөлд Англичуудын хурданаар эхлүүлэх гэсэн довтолгоог Алонсо таслан Вилляд дамжуулж Вилля ч сүүлийн үед форм сайтай байсан Эвертоны Ягелкаг хөнгөхөн аргалаа л 3 хамгаалагчийн дундаас хаалга руу гулгуулахад хаалгач Жеймс үсрэх нь байтугай хөдөлсөн ч гүй гоол алдлаа..
Ингээд 2 үе эхлэхэд Капелло 5 сэлгээ хийсэн юм.. Довтолгоонд Крауч, хагас хамгаалалтанд Бекхэм, Лампард, мөн хаалгач Жеймсийг Грийнээр, Ягелкаг Апсоноор сольсон юм..
Бекхэм гарч ирсэнээр чөлөөт цохилт арай аюултай болж гоол хийх боломж гаргаж байсан ч Торресийн оронд гарч ирсэн Лиорент чөлөөт цохилтоос ирсэн бөмбөгийг мөргөж гоолдсоноор тооны харьцааг 2-0 болгож улмаар үүнээс хойш гоол ороогүй..

Тоглолтын хувьд довтолгоонд сүүлийн үед ПЛ-д амжилттай тоглож байгаа Астон Виллагийн 2 гарсан ч нэг л болж өгсөнгүй.. довтлох боломж ч цөөхөн гарсан.. Төвийн шугамд Испаничууд илүү байсан учир тоглолт ч сайн гарч өгөөгүй..Миний бодлоор анхнаасаа Лампард Барри, Кэррик 2 ийн нэгтэй хамт гарсан бол арай дээр байх байсан байж магадгүй.. Бас Даунинг нэг л болж өгөхгүй байлаа.. Тэгсэн ч Капелло түүнд их итгэл үзүүлдэг бололтой..
Английн тоглолт болгоны дараа гоочлуулдаг хаалгачын асуудал энэ удаа ч бас тойрсонгүй.. Одоо Жеймс нтрийн оронд Жое Хартаа тоглуулаад дараагийн дэлхийн аваргадаа бэлдэж байвал таарна..

За тэгээд нөхөрсөг тоглолт байсан юм байна гээ л гайгүй өнгөрхөөс.. Капелло бас нэг юм бодож л байгаа байлгүй дээ...

Стивен Жеррард /цуврал хэсэг 6/

Стивен Жеррард

Айронсайдын 10 дугаар байшингийн эзэн нь мэдээж аав. Энэ гэрт аавын үг хууль ч тэр хэзээ ч дарангуйлагч байгаагүй. Пол, бид хоёр хэзээ ч эцэг, эхээсээ айн зүрхшээж байгаагүй юм. Заримдаа бид тэдэнд илүү их эрхлэхийг хүсч нялхардагсан. Пол, бид хоёр эцэг, эхээ маш их хүндэтгэн дээдэлдэг. Манайх гэдэг маш дотно, нягт гэр бүл. Өглөөний цайгаа хамт ууж, орой бүр хамт суун зурагт үзэх юм уу, чалчицгаана. Ах, бид хоёр эцэг, эхээсээ илүү их хайр, энэрлийг нэхэх эрхгүй билээ. Ээж маань тун зарчимч эмэгтэй. Хэзээ ч Айронсайдын 10 дугаар байшинд өлсгөлөн нүүрлэдэггүй байсан. Жеррардынхан үргэлж ширээ дүүрэн суудаг байв. Хааяа ах бид хоёр ээжээс мөнгө гуйхад татгалздаг. "Аяга дүүрэн, гэдэс цатгалан байхын тулд л ингэж байгаа хэрэг шүү. Эн тэргүүнд тавигдах ёстой асуудал энэ биз дээ" гэж тэр хэлдэг байв. Бид ширээ тойрч суугаад бие биедээ жигнэмэг, ундыг нь дөхүүлэн цайлдагсан. Ээж "Та нар өмнөө байгаа зүйлээ идэж дуусахаас нааш хаа*a* ч явахгүй шүү" гэж анхааруулна.

Тэр үед мөнгөний үнэ цэнэ их байсан. Баярын өдрүүд дэндүү хол зайтай мэт санагдан, хурдхан баяр болоосой гэж мөрөөддөг байв. Бид жил бүр баяраар Скегнесс¹ дэх Батлин² руу юм уу, Девоны³ соёл, амралтын хүрээлэнд очно. Тэнд манай авга, нагац нар хүүхдүүдээ дагуулан очиж, асрагч эх, өвөө хоёр ч хааяа хамт явдаг. Бүх л гэр бүлээрээ баяр тэмдэглэдэг байв. Үнэхээр гайхалтай аялал. Энэхүү аяллын тухай бодол олон сарын турш толгойд минь хадаастай байдаг байв. Ээж энэ амралтыг эртнээс төлөвлөн, өвлийн турш мөнгөө хуримтлуулдаг байсан. Ээж энэ аялал гэр бүлд маань, ялангуяа Пол, бид хоёрт ямар чухал, хүсэн хүлээдэг зүйл нь вэ гэдгийг мэддэг. Хааяа ах, бид хоёрын аз таарвал найзуудаа-саа дагуулж явна. Би Полд тэр азтай зочныг сонгоход нь тусалдаг байв. Надад бол өөрөөсөө ах хүүхдүүдтэй хөл бөмбөг тоглож хөгжил-дөх нь л чухал. Скегнесст үнэхээр гайхалтай амралт болдог байсан.

Нэгэн удаа аав Линкольнширийн эрэг рүү явж байх замдаа надаас "Хүү минь, чи хөл бөмбөгийн сургуульд ормоор байна уу?" гэж асуулаа. Ямар хүсэл зорилготой буйг минь магадлаж байгаа нь тэр. Батлинд очоод эрэг дээр шаварт хутгалдан гүйж, бөмбөгөөр харилцаж тоглон, усан гулгуураар нисэх мэт хурдтай уруудаж байхад "Хэзээ би хөл бөмбөгийн сургуульд орж болох бол?" гэсэн бодол л толгойд эргэлдэж байв. Картингийн машин жолоодоод Полыг нэхэж байхад хүртэл хөл бөмбөгийн сургуулийн тухай бодсоор байсан. Тэгээд аав дээр очоод "Одоо явж болох болов уу?" гэж асуув. "Хүү минь, чи л шийднэ шүү дээ. Явж бололгүй яах вэ" гэлээ. Скегнесс дэх амралт үнэхээр зугаатай байлаа. Үдэш болоход бид нэгэн клубт очиж хамтлаг, дуучдын тоглолтыг сонирхоод караокед орж дуулцгаав. Маргааш өглөө нь би эрт сэрээд "Би хэзээнээс хөл бөмбөгийн сургуульд явж эхлэх вэ?" гэж аав, ээжээсээ асуув. Одоо бол Скегнесст нөгөө ертөнцөд буй мэт мэдрэмж төрөх болжээ. Аав, Пол, бид гурав үргэлж л хөл бөмбөгийн тухай ярилцана.

Аав "Ливерпуль"-ийн тухай маш сайн мэддэг, энэ багийн үнэнч хөгжөөн дэмжигч. Тэр надад "Ливерпуль"-ийн тоглолтын бичлэг авч өгөн, бид хамт үздэг байв. Нижигнэсэн алга ташилтын дор цэнгэлдэхэд орж ирэх Грэм Соунесс4 эсрэг багийнхнаа тоомжиргүйхэн харах Алан Хансен5, довтолгооны шугамд гялалзах Кенни Далглиш6 бичлэгт гарна. Нэг өдөр аав Далглишийн маш том зурагт хуу-дас авчирлаа. Шатаар өгсөн миний өрөөнд орж ирээд "Кенни Далглиш бол "Ливерпуль"-ийн бүх цаг үеийн хамгийн аугаа тоглогч" гээд надад тэр зургийг өгөв. "Тэр бол жинхэнэ эр хүн шүү. Алив, зургийг нь хананд чинь наагаад өгье" хэмээн нэмж хэллээ. Далглишийн зураг миний өрөөнд хэдэн жилийн турш өлгөөтэй байж билээ. Яг л бурхан шүтээн шиг байдагсан. Зургаа, долоотой байхдаа "Хаан" Кенниг "Энфильд"-д амьдаар нь харах боломж олдож байв. Одоо бол түүний тоглолтын хувцас миний шагналын өрөөнд хүндтэй байр эзлэн байдаг. Би "Энфильд"-д Кенни болон Иан Раш, Жон Барнес, Стив Макмахон нарт илбэдүүлсэн юм шиг л тоглолтод бүрэн уусан шингэдэг байв. Тэд бол үнэхээр агуу тоглогчид. Сэтгэлд хамгийн тодоор үлдсэн дурсамжаасаа хуваалцъя. 1989 онд "Арсенал"-ын Майкл Томас сүүлчийн минутад манай хаалганд гоол хийн, "Ливерпуль"-ийн хөгжөөн дэмжигчдийн зүрхэнд хутга *a*х мэт болсон тэр мөчид би "Энфильд"-д байсан. Тэр гоолоос болж бид лигийн түрүүг авч чадаагүй юм. Харин дараа жил нь Хансен аваргын цомыг өргөөд зогсож байхад нь би мөн л тэнд үзсэн. "Энфильд"-д аваргын цомыг буцаан авчирсан Хансеныг маш их бишрэн шүтэж байсан юм. Тэр бол үнэхээр гайхалтай мөч.

Би дөнгөж наймтай байхдаа л "Ливерпуль"-д бэлтгэл хийж эхэлсэн. Ингэснээр би жинхэнэ "Копите"7 болсон юм. Үүнээс өмнө бол би хэнийг дэмжихээ мэддэггүй байлаа. Нэг долоо хоногт нь "Гудисон Парк"-т очиж, дараагийнхад "Ливерпуль"-ийн хөгжөөн дэмжигчидтэй мөр зэрэгцэн зогсдог байв. Энэ үед би зөвхөн хөл бөмбөг үзэхийн төлөө л явдаг байсан. Бусад хүмүүсийн хувьд бол тийм биш. Аав л гэхэд "Улаанууд"-ын төлөө үхэхээс буцахгүй нэгэн. Тэр яг шашны дуу дуулж байгаа юм шиг "Ливерпуль, Ливерпуль, Ливерпуль" хэмээн уянгалуулж, бөмбөрддөг байв. Мерсисайдын маш олон гэр бүл дотроо өөр өөр багийг дэмждэг гишүүдтэй. Жишээ нь, ээжийн ах Лесли "Эвертон"-ы дэмжигч. Тэр тус багийн тоглолтын тасалбарыг улирлаар нь худалдан авч, хувцас, ороолт, туг гээд иж бүрэн хэрэглэлээр гангарна. Лесли намайг "Цэнхэрүүд" ийг дэм жигч болгохын тулд тоглолтоос буцаж ирэх бүртээ надад "Эвертон"-ы хувцас авчирдаг байж билээ.

Интернэтээр миний балчир үеийн зургийг хайвал "Эвертон" ы хувцсаар гангарсан фото олдоно. Цэнхэр цамц, богино өмд, оймстой. Намайг "Ливерпуль"-тэй гэрээ байгуулах үед "Эвертон"-ы дэмжигчид тэр зургийг минь хаанаас ч юм олж аваад хэвлэн тарааж байлаа. Энэхүү үйлдэлд нь би талархаж явдаг юм. Намайг "Ливерпуль" д алдаршиж эхлэхэд "Миррор" сонин тэр зургийг нүүрэндээ гаргаж байв. Үүнээс болж чамгүй том асуудал үүссэн билээ. Энэ зураг жинхэнэ үү, үгүй юу гээд л. Олон хүн үүнийг эвлүүлэг гэж бодсон байх. Гэхдээ энэ жинхэнэ зураг байсан. Энэ бол 1987 онд авахуулсан зураг юм. "Эвертон"-ы дэмжигч мэт гарсан уг зураг дээр би энэ багийг шүтэж биширсэндээ тэр хувцсыг өмсөөгүй. Лесли намайг зургаатай байхад тэр хувцсыг авч өгсөн бөгөөд хааяа намайг "Гудисон Парк" руу дагуулж явдаг байсан. Би нэг удаа сугалаанд хожиж, лигийн аваргын болон "Chanty Shield''-ийн цомны дэргэд зургаа авахуулах боломж олдсон. Үүнд Лесли нагац маш их баярлаж байв. Тэр үүгээрээ ааваас минь давж гаран, намайг урвуулна гэж бодсон байх. "Гудисон Парк"-ын шагналын өрөөнд "Эвертон"-ы хувцас өмсөөд баяр хөөртэй зогсох хүүгийнхээ зургийг хараад аав маш их уурласан. Аав Лесли нагацад хандан "Дахиж хүүгээ чамтай явуулахгүй" гэж хэлэв.
Image
Тэгээд над руу харан "Чи дахиж тийшээ явахгүй шүү" гэж зандарлаа. Гэхдээ бүх зүйл болоод өнгөрсөн шүү дээ. Би тэр үед дөнгөж долоотой байсан бөгөөд хөл бөмбөгт л ухаангүй дуртай байснаас "Эвергон", "Ливерпуль"-ийн хооронд тийм өрсөлдөөн өрнөдгийг мэдээгүй юм. Тухайн үедээ ямар алдаа гаргаснаа би ойлгоогүй. Лесли Айронсайдад ирэхдээ "Эвертон"-ы шинэ хувцас заавал авчирна. Үүнд нь сэтгэл хөдөлж, баярлан аавыг эзгүйчлэн Леслиг дагаж яваад дараа нь дандаа загнуулдаг байв. Аав миний энэ үйлдэлд үнэхээр дургүй. Лесли намайг "Гудисон Парк"-ын шагналын өрөө рүү дагуулан очиж, зурагчин хөтөлж авчраад тэр зургийг авахуулсан юм. Бүх л зүрх сэтгэл минь "Ливерпуль"-ийн төлөө чиглэх болсон энэ цаг үед тэрхүү мөчийг эргэн дурсахад би ямар дэмий зүйл хийснээ ойлгодог. Энэ бол гэнэн багын хэрэг. Бид бүгдээрээ л алдаа хийдэг шүү дээ.

Одоо "Эвертон", "Ливерпуль"-ийн аль нь ч бай, өөр багийнх ч байсан хамаагүй, хөл бөмбөгийн хув-цас л олдвол тэр миний баяр баясгалан. Тоглолтын хувцас цуглуулах нь миний хобби болсон. Зул сарын баяр, төрсөн өдрөөрөө би олон хувцастай болдог. Хэрэв өөрт минь байхгүй хувцас бэлгэнд ирвэл маш их баярлан хөөрнө. Аав, ээж маань надад ямар клубийн хувцас байгаа, ямар байхгүйг сайн мэддэг. Миний цуглуулга мэдээж "Ливерпуль", "Эвертон"-ыхоор эхэлсэн. Дараа нь "Тоттенхэм", "Манчестер Сити"-гийн хувцастай болж байлаа.
Онцлох тэмдэг бүхий номын хуудас бүрийг нь нямбайлан үзнэ. Хуудас бүрийг нь шалгаад бүх хувцсыг өмсөж үздэг байв. Тэгээд "Ээж ээ, би "Тоттенхэм"-ийн шинэ хувцсыг авмаар байна" гээд гуйна. Спорт барааны дэлгүүрийн каталог ном миний хүслээ гүйцэлдүүлэх ганц арга байгаагүй. "Match of the Day"-r үзээд нүдэнд туссан хувцсанд мөн санаархана. Цуглуулгаа арвижуулах гэсэн бодол толгойноос салахгүй. Хэрэв бүтэн сайны орой "Тоттенхэм"-"Эвертон"-ы тоглолт зурагтаар гарвал дууссаных нь дараа аль нь ч хожсон байсан хүүхдүүдэд би энэ тоглолтыг үзсэн шүү гэдгээ мэдрүүлэ-хийн тулд "Спэрс"-ийн хувцасыг өмсөөд гудамжинд гардаг байв. Зурагтаар үзсэн оддын нэр миний нуруун дээр байхад би маш дуртай.

Би "Эвертон"-ы хаалгач Невилл Саутхолын хувцсанд хамгийн дуртай. Би Саутхолын үйлдэл бүрийг дууриана. Оймсоо доош нь шуугаад шилбэний хамгаалалтаа ил гаргачихна. "Том" Нев маш гоё пүүз өмсөх ба би ээж, ааваасаа яг тиймийг авч өгөхийг шалдаг байв. Би Саутхолын үнэнч дэмжигч нь байсан. Хааяа гудамжинд тоглохдоо түүний хаалгачийн хувцсыг өмсөөд яг л Невилл Саутхол болсон мэт санагдан, зоригтой, гайхамшигт хаалтуудыг нь хийхийг хичээн зүлгэн дээр унадаг байв. Миний хөлбөмбөгт дурлаж, энэ замаар замнасанд түүний нөлөө багагүй бий. "Панини"8-гийн наалтан дундаас Невилл Саутхолын зургийг олчихоод яг л цом өргөж яваа мэт толгой дээрээ барин Айронсайдаар алхаж байснаа би мартдаггүй.
Хөл бөмбөгчдийн зургийн наалт, хувцас, тоглолт үзэхээр явах, энэ бүхэн миний хөл бөмбөгийн амьдралын салшгүй хэсэг. Гэх-дээ би "Ливерпуль"-д л хамгаас илүү хайртай.

Үргэлжлэл нь дараагийн дугаарт

1-Линкольншир гунлигийн зүүн зэхад, далайн эрэгдээр байдаг хот
2-Сэр хэргэмт Билли Батлиний байгуулсан гэр бүлийн амралтын газрын сүлжээний нэр
3-Английн баруун өмнөд хэсэгт орших хот
4-1991-1994 онд "Ливерпуль"-ийг дасгалжуулж байв. Урьд нь 1978-84ондэнэ багт тоглож байжээ
5-1977-1991 онд 'Ливерпуль''д тоглосон
6-1977-1990 онд "Ливерпуль "-д тоглосон
7-"Ливерпуль"-ийн хөгжөөн дэмжигчдийг ингэж нэрлэдэг
8-"Панини Комикс" хэмээх ном, наалт үйлдвэрлэгч том компанийн нэр

Стивен Жеррард /цуврал хэсэг 5/

Стивен Жеррард /цуврал хэсэг 5/


II БҮЛЭГ

Ухаажин томоожсон өсвөр нас минь

Би хичээлээ тасалж огт үзээгүй. Манай гэрийнхэн ч үүнийг байж болшгүй зүйл гэж үздэг. Хичээлээс завсардах нь тамхинд татагдах, мөнгөө буруу зүйлд үр ашиггүй үрэх зэрэг сөрөг талтай билээ. Намайг хааяа нэг болчимгүй зүйл хийхэд аав маань чих зөөлөн мушгихаас хэтэрдэггүй байв. Тэр хэзээ ч намайг зодож, цохиж байсангүй. Аавын үзэл, бодлоо илэрхийлэх арга нь бусдаас өөр. Түүний харц нь хамаг биеийг минь нэвт сүлбэх мэт болдог байж билээ. Би ямар нэгэн буруу зүйл хийгээд ингэж зогсохдоо бидний дотно харилцаа үүгээр тасалбар болох вий гэдэгт хамгаас илүү эмээдэг байлаа. Аав Пол ах, бид хоёрт хэзээ ч хүч хэрэглэж, чанга дуугаар загнадаггүй. Бидний гэм буруугаас Айронсайдад цагдаа, хууль сахиулагч ирэхийг тэр тэвчихгүй. Цөөнгүй хүн ах, бид хоёрыг цонхыг нь хагалсан гэж ховлохоор хаалгыг нүдэж байсан. Харин бид цагдаа, сэргийлэхэд хүрэхээр хэрэг тарьж байгаагүй.

Би нэг удаа маш том алдаа гаргасан. Ганцхан удаа л. Би хулгай хийгээд баригдчихсан юм. Би нэг найзтайгаа Ливерпулийн төвөөр хэсүүчлэн яваад "Woolies" их дэлгүүрт тэр хэрэгт орооцолдсон. Тэгэхэд бид хоёул 11 настай байсан. Бид хоёр Лайм Стрит* орж түргэн хоолны газарт хооллоод буцахад хангалттай мөнгөтэй байсан. Гэвч би тэр мөнгөөр хичээлдээ хэрэглэх хүснэгттэй цаас, үзэг зэрэг хичээлийн хэрэгсэл авах ёстой байв.

Бид "Woolies"-т очихоор шийдлээ. Дэлгүүрт ороод бүх тасгаар нь тэнэж, эцэст нь хэдэн үзэг авч халаасандаа хийгээд цаасаа хувцсан дотроо нуув. Тэгээд шууд л хаалга руу зүглэлээ. Ажиллагаа төлөвлөгөөний дагуу болж байв. Гайхалтай. Лайм Стритэд гамбургер идэж, кока-кола уух мөнгө халаасанд мэдрэгдэнэ. Дэлгүүрээс гарч явган хүний замд хүрлээ. Гүйцээ, одоо гүйцгээе.

Гэвч араас хэн нэгэн хашгирлаа. "Хөөе" гэхийг сонсоод хамаг цус хөлдчих шиг болов. "Зогсоцгоо!". Чөтгөр аваг, "Woolies"-ийн хамгаалалтын ажилтан байна. Бид айснаасаа болоод байрнаасаа хөдөлж чадахгүй зогсоно. Хамгаалагч биднийг шууд л заамдан чирлээ. Энэ бол миний амьдралд тохиосон хамгийн таагүй өдөр. Миний зүрх түжигнэн цохилж, толгойд есөн шидийн бодол эргэлдэнэ. "Миний хөлбөмбөгчин болох хөг өнгөрлөө, "Ливерпуль" одоо намайг хөөх байх даа. Аав ч гэсэн. Чөтгөр, яах гэж би үүнийг хийв ээ?" гэж бодон явав.

Хамгаалагч биднийг дэлгүүр лүү авч ороод өрөөндөө оруулан хулгайлсан хичээлийн хэрэгслийг нэгжин авав. Тэр маш ширүүн харьцаж байлаа. "Аль сургуулийнх вэ, та хоёр?" гэж хашгирав. "Гэр чинь хаана байдаг вэ? Алив утасны дугаараа өг" гэж загналаа. Толгой эргэж, юу гэж хэлэхээ мэдэхгүй зогсож байв. Өөрийн мэдэлгүй "Манайд утас байхгүй" гэж худлаа хэллээ. Хамгаалагч улам уурлан царай нь минчийн улайв. "Тэгвэл гэрийнхээ хаягийг хэл" гэж тэр шаардлаа. Би Айронсайдын талаар дурсмааргүй байв. Аавыг мэдчихвий гэхээс яс хавталзана. Яах вэ гэж эргэлзэн бодсоор. Хамгаалагч дахин гэрийн хаяг шалгаахад нь нагац эгчийнхийгээ заагаад өгчихөв. Тэр миний хэлснийг тэмдэглэж аваад биднийг "Woolies"-ээс хөөн гаргалаа.

Элдвийг бодон Лайм Стрит рүү гүйв. "Дэлгүүрээс сургууль руу утасдаж, тэгээд аавд хэлнэ. Одоо би шоронд орж, насаараа хөлбөмбөг тоглож чадахгүй нь. Новш гэж". Би Хюйтонд хүрч галт тэрэгнээс буусан ч Айронсайдыг зүглэж чадсангүй. "Аав намайг хулгай хийсэн гэж гарцаагүй алах болно" гэж бодов. Гэртээ шууд харихаас зүрхшээн нагац эгч Линнийд очлоо. Линн эгч намайг г эртээ оруулаад болсон явдлын талаар сонсов. Би ярьж дуусаад "Хамт манайд очъё" гэж түүнээс гуйлаа.

Линн эгч надтай хамт манайд очиж, мадад ямар хэцүү байгааг аавд тайлбарлав. Гэвч оройтжээ. Аав миний дэлгүүрт тарьсан хэргийг хэдийнэ мэдчихэж.

Муу мэдээ ч хурдан тархах юм аа. Яг л бодож байснаар "Woolies" дэлгүүрээс Сент-Мик сургууль руу ярьж, тэндээс аавд хэлсэн байна. Аав их уурлажээ. Намайг угачин гэрт оруулав. Би "Одоо ч алж өгөх байх даа" гэж бодов. Тэр намайг цоо ширтэн хэсэг зогслоо. "Чи яах гэж ийм юм хийв?" гэж асуув. "Яагаад хулгай хийж байгаа юм бэ? Яагаад мөнгийг нь төлөөгүй юм? Тэр зүйл чинь тийм хэрэгтэй байсан юм бол яагаад ээж, бид хоёроосоо мөнгө аваагүй юм? Яагаад, яагаад?". Асуултаа ар араас нь тавьсаар, "Бид манай гэрт хулгайч байхыг тэвчихгүй. Сургууль чинь ч чамайг хүлээж авахгүй байх. Тэд чамайг яагаад юм хумсалсныг мэдмээр байна гэсэн", Болдогсон бол цаг хугацааг ухрааж Лайм Стритэд буцаж очоод тэр мөчийг залруулахсан. Гэвч бүх зүйл болоод өнгөрсөн. "Аав". Би тайлбарлахыг хичээв. "Аав, хэрвээ сургуулиас намайг "яагаад ингэсэн бэ" гэвэл би "гэрийн даалгавараа хийх гээд" гэж хэлчихье. Би амттан биш, хичээлийн хэрэгсэл авсан шүү дээ. Хүснэгттэй цаас авсан" гэлээ. Аав над руу харснаа "Тэр чинь надад хамаагүй" хэмээв. Энэ үг надад том цохилт боллоо. Энэ байдлаас гарахад надад юу ч тус болохоос өнгөрчээ. Аавын дараагийн үг бүр хүчтэй, аймшигтай байв. "Хэрвээ болсон явдлын талаар "Ливерпуль" мэдвэл чиний асуудал бур хэцүүднэ дээ, Стивен". Тэр "Стив Хейвэй чамайг яаж үнэлдэг билээ? Чи "Ливерпүль" дэх бүх зүйлээ үгүй хийлээ дээ. Тэд одоо чамайг багаасаа хөөх нь гарцаагүй" гэж үргэлжлүүлэн хэлэв. Эдгээр үг миний сэтгэл дэх хүсэл мөрөөдлийн бөмбөгийг хагалах мэт боллоо. Би яг тэгж мэдэрсэн. Би аавдаа хайртай. Ингэж хэлснийх нь төлөө би түүнийг үзэн ядаж Байв. Би "Ливерпуль"-д үнэн голоосоо хайртай. Баг маань намайг хөөнө гэдэг аймшигтай зүйл.

Хөлбөмбөг гэдэг бол миний хүсэл, мөрөөдлийн оргил билээ. "Би яах гэж хулгай хийв ээ? Бурхан минь, юу болчихов?" Хулгай гэдэг байж болошгүй зүйл. Надад мөнгө байсан, хэрэв мөнгөгүй бол яах байсан бол. Эцэг, эх маань ах бид хоёрт "Та нар хулгай хийж болохгүй. Хэрэв та нарт ямар нэг зүйл хэрэгтэй бол худал, хуурмагаар түүндээ хүрч хэрхэвч болохгүй" гэж үргэлж захидаг байсан. Усан тэнэг би аав, ээжийнхээ үгийг үл хэрэгсэн хулгай хийгээд үр уршгийг нь ингээд биеэрээ амсаж байна. Аав намайг загнаж байхад ээж үүдэнд зогсон аавын хэлэхийг сонсон намайг ажиглаж байв. Ээж аавын хэлсэн бүхнийг хүлээн зөвшөөрч, түүний талд байсан ч надад ямар хүнд байгааг мэдэрч, аавд ойлгуулахыг хүсч байлаа. Ах, бид хоёр ээжийн хайртай хөвгүүд, Тэр биднийг үргэлж өмгөөлдөг. Би ээждээ дандаа эрхэлнэ. Хэрэв ээж намайг загнавал "Аан, ээж яагаад загнаад байгаа юм бэ?" гээд нялхарна. Тэгэхээр ээжийн нүүрэнд инээмсэглэл тодорч тэвэрдэгсэн. Гэхдээ ээж бидний алдааг өөгшүүлдэггүй. Тэр "Woolies"-т болсон явдалд ааваас дутахгүй уурласан нь тодорхой. Гэвч тэр аавтай зэрэгцэн загнаагүй.

Ихэнх хүүхэд хулгай хийх, тамхи татах зэрэг болчимгүй зүйл хийснийхээ төлөө аавдаа суран бүсээр ороолгуулдаг байх.

"Woolies" дэлгүүрт надтай хамт очсон найз маань л лав хэдэн өдөр гэрээсээ гарахааргүй болж байсан. Харин миний аав, ээж хоёр бидэнд огт өөрөөр ойлгуулдаг, Тэгэхэд аав намайг өрөөнд маань түгжээд гурван хоног гаргаагүй. Энэ нь надад яг л хагас жил шиг удаан санагдаж билээ.

Пол намайг өрөвдөх нь битгий хэл тохуурхаж байв. Түүний өрөө минийхтэй харалдаа. Ах өрөөндөө хоригдсоныг минь тавлан инээнэ. Хаалгыг маань аяархан тогшоод "Стиви, би гадагшаа гарлаа. Тэнд ч гоё байна даа. Чи гарахгүй юм уу?" гэж шивнэнэ. Намайг яаж ч чадахгүй болохоор уурыг минь хүргэж байгаа нь тэр. "Компьютер шатны хажууд байгаа шүү. Гоё тоглоом тогломоор байгаа биз дээ" гэж хаалганы цаанаас хэлээд гүйн одно. Өрөөнөөсөө гарч чадахгүйг минь мэдсээр байж. Энэ бүхэн намайг хэсэг хэсгээр нь огтолж байгаа мэт аймшигтай байлаа. Пол гадаа гарч, хөлбөмбөг тоглох нь сонсогдоно. Тэр "Хөвгүүд ээ, гараад ир. Хөлбөмбөг тоглоё" хэмээн Айронсайдын хүүхдүүдийг уриалан хашгирна. Энэ нь надад маш хүнд эрүүдэн шүүлт байсан. Хүүхдүүдийн хашгиралдаан, гоол хийж, хожсоны дараа баярлан хөөрч буй чимээг сонсоод уйлчихдаг байж билээ. Миний өрөө яг талбай руу харсан цонхтой. Найзууд маань "Стиви, Стиви, энэ үнэхээр гоё тоглолт болж байна. Чи үүнд оролцож чадахгүй нь тун харамсалтай" хэмээн хашгирцгаана. Энэ үгийнх нь араас даажин хийсэн инээд сонсогдоно. "Миний найзууд, төрсөн ах маань. Тэд намайг сонсож байгааг мэдэж л байгаа. Энэ нь надад ямар хэцүү болохыг ч мэднэ. Гэтэл ингэж байдаг" гэсэн гоморхсон бодол төрөв. Тэднийг намайг дуудаж хашгирахаа болиход нь цонхоор сэмхэн тоглохыг нь харж, атаархан зогсдог. Би хийсэн хэргийнхээ төлөө ингэж хоригдон ганцаардаж байв. Үнэндээ энэ явдлаас хойш би хэн нэгний нөлөөнд авталгүй өөрийгөө хэвийн авч явж чаддаг болсон. Найзууд маань дэлгүүр болон агуулахаас амттан, ундаа хулгайлахад нь би харж л байсан. Би тэдэнтэй хамт байсан ч тэр хэрэгт нь хуруугаа ч дүрдэггүй байв. Сургууль дээр хөлбөмбөг тоглож байхад найзууд маань халааснаасаа тамхи гаргаж ирнэ. Тэгээд хүмүүсийн нүдэн дээр тоосон янзгүй асаагаад л баагиулцгаана. Томчуулаас санаа зовно гэж байхгүй. Зарим нэг нь гудамжаар сэлгүүцэх санал гаргахад би нэг газраа юм ярьж суусан нь дээр гэнэ. Хэрэн тэнэх нь муу зүйлд татагдах магадлалыг ихэсгэж буй хэрэг билээ. Аав маань зөв замд хөтөлсөн нь завшаантай. Түүний заавар, зөвлөгөөгүйгээр би өдий зэрэгт хүрэхгүй байсан.

* - Ливерпулийн төв дэх галт тэрэгний буудал, том үйлчилгээний төвүүдтэй гудамж

Үргэлжлэл бий.

Жеррард "Миний намтар" 4-р хэсэг

Жеррард "Миний намтар" 4-р хэсэг


Аав, ээжийн найзууд нь аавыг сайн тоглогч байсныг ярьдаг. "Үнэхээр тийм гэж үү?" хэмээн намайг асуухад аав "Чиний энэ авьяас хэнээс өвлөгдсөн болохыг одоо ойлгов уу. Стивен" гээд инээж байлаа. Тэр "Астротурф" гэдэг багт тоглож байгаад өвдөгтөө гэмтэл авснаар хөлбөмбөгийг орхисон юм билээ. Давын ах Тони бас авьяаслаг хөлбөмбөгчин. Тэр "Хюйтон Бойз" гэдэг багт тоглодог байсан аж. Ахлах сургуульд байхдаа л мэргэжлийн хөлбөмбөгч болох чадвартай байсан гэдэг. Манай гэр бүлд хөлбөмбөг маш том байр суурь эзэлдэг. Миний үеэлүүдийн олонх нь Айронсайдад хөлбөмбөг тоглож өссөн, Тэдний нэг Энтони Жеррард "Эвертон”-д тоглож байгаад "Гудисон Парк"-ын баг түүнийг "Уолсол”-д зарсан. Бүтэн сайны лиг болоход тэнд энэ мэтчилэн манай үеэл хамаатнуудаар дүүрдэг байв.

Амралтын өдрүүдэд "Энфильд" болон "Гудисон Парк" их хөлийн газар болдог. Энэ өдрүүдэд манай хамаатнууд болон надтай холбоотой хэний ч гэрээр орсон хөлбөмбөгөөр амьсгалж байх болно. Цэнгэлдэх рүү яваагүй нь зурагтынхаа өмнөөс салахгүй. Буйдан дээрээ тухлаад ганц, хоёр лонх шар айраг шимэн тоглолт үзэх үнэхээр сайхан. Бямба гаригт аав уушийн газарт очих нь олон ч "ВВС"-гийн "Маtch of the Day" нэвтрүүлгээс өмнө заавал эргэж ирдэг. Ах бид хоёр ч гэсэн тоглоомоо орхин гэртээ гүйж ирээд аавтайгаа буйдандээр чихэлдэн сууж уг нэвтрүүлгийг хамт үздэг байлаа. Жеррардууд хэзээ ч "Маtch oh the Day"-г алгасаж байсангүй Огт үгүй. Энэ бол долоо хоногийн оргил мөч юм.

Айронсайдын 10 дугаар байшинд хөлбөмбөгийн дүрэм үйлчилдэг. Хөлбөмбөг гарч байхад "Coronation Street"*, "ЕаstЕnders"**-ийн орон зай байхгүй. Хэрэв ээж маань савангийн дуурь үзэхийг хүсвэл аав тэр хоёрын дунд чамгүй хурц зөрчил үүсдэг байв. Хааяа аав ах бид хоёрыг дагуулан том дэлгэцээр хөлбөмбөг үзэх юм уу дартс тоглохоор явдаг. Харамсалтай нь энэ маш хурдан болоод өнгөрдөг байв. Оройны 6.00 цаг гэхэд бидний бүх хөгжөөн наргиан өндөрлөж бид гэрийн зүг гэлдэрдэг. Маргааш өглөө нь сургууль яг л нартай өдөр гэнэт бараан үүл нөмөрч байгаа мэт санагдан, сүүмэлзэн харагддаг байлаа.

Би ням гаригийн оройд үнэхээр дургүй. Амралтын өдрүүдийн тэр сайхан мөчүүд гайхалтай дурсамжаа таягдан хаяж сургуульдаа явах бэлтгэлээ хангах нь миний хувьд асар хүнд эрүүдэн шүүлт байсан. Хүмүүс амралтын өдрийг долоо хоногийн сүүлчийн хоёр өдөр гэдгийг сайн мэднэ. Харин Айронсайдын 10 дугаар байшинд бол ийм ойлголт байгаагүй. Энэ дүрмийг ээж маань гаргасан. Түүнийхээр бол амралтын өдрийн үргэлжлэх хугацаа нь нэг хоног хагас л байна. Ээж ах, бид хоёрыг ням гаригийн орой 6.00 цаг гэхэд гэртээ ирж, усанд орж маргааш өглөөнийхөө хичээлийн бэлтгэлийг хангахыг шаарддаг байлаа. Биднийг тогтсон хугацаанд гэртээ ирэхэд толийтол индүүдсэн сурагчийн дүрэмт хувцас хэдийнэ бэлэн болсон байдаг. Дүрэмт хувцсаа хараад миний дур гутдаг. Амралтын өдрүүдийн эрх чөлөөт цаг өндөрлөж буйг сануулах тэр форм надад яг л шоронгийн хувцас шиг санагддаг байж билээ. Энэ бол сургуульдаа явахыг үзэн яддаг байсан хэрэг биш, зүгээр л хагас, бүтэн сайнд Блюбэл орчимд хэсэх дуртай байв. Ээж Пол ахаас илүүтэй миний хичээлд анхаарна. Тэр биднийг ямар ч толбогүй, үрчлээгүй хувцсаар гангалдаг байсан. Гутлыг маань нүүрнийхээ хувирлыг харж болохоор гялалзтал тосолчихно. Муухай ээж! Тэр үргэлжид ийм байсан. Би гэрээсээ цэвэр хувцастай гараад заавал бохир, заваан болж ирдэг байлаа. Шаварт хутгалдан бохирдсон гуталтай гэртээ орно. Ээж ташаагаа тулан ууртай угтдагсан.

Миний сургуульдаа явах замд онц сонин зүйл үгүй. Сургуульдаа хүрэх үед харин тоглолтын талбайд залгуулаад байшин барьсан юм шиг л харагддаг байж билээ. Хэдий гэртэй минь ойрхон ч гэсэн ээж намайг үргэлж сургуульд хүргэж өгч, авдаг байв. Би багадаа хэн нэгэнд хор хөнөөл учруулахгүй ч бас ч үгүй сахилгагүй хүүхэд байсан. Үүнээсээ ч болж багш нараас шийтгэл хүлээн, хана харж зогсдог байв.

Хичээл орох үед бие минь ангид байвч санаа сэтгэл маань хэдийнэ биеийн тамирын талбайд оччихсон тоглож байдаг байлаа. Чамгүй удаан үргэлжлэх үдийн цайны цагт би дуртай. Үнэт цагаас минь хороох учир энэ үед халуун хоолоос татгалздаг байв. Бага сага хуурай идэх юм авахаар дугаарлаж зогсохдоо "Алив талбай дээр хурдан цуглаарай, тоглоцгоое” гэж бусдыгаа уриална. Үүнээсээ болоод орой болгон ээждээ "Халуун хоол идэх ёстой шүү" гээд үглүүлдэг байв. "Хэрвээ сургуулийн хоолонд дургүй юм бол гэртээ гүйгээд ир л дээ" гэж ээж хэлнэ. Сүүлдээ ээж хавчуургатай талх, шоколад, уух юм савлан явуулдаг болов. Дээр нь багахан жимс хийдэг. Гэвч би жимсээ огт идэлгүй гэртээ буцаагаад аваачна. Алим. гадил, жүрж юу ч байсан адил. Цөцгийгөө ч мөн л тэр хэвээр нь гэртээ авчирна. Авч явсан юмаа хурдхан идээд тоглохоор яардаг учир тэр бүгдийг нямбайлан зооглох нь надад тохиромжгүй байсан. Ээж "Стиви, чи дахиад л цөцгийгөө идэлгүй үлдээжээ. Чи шоколад л идээд байгаа юм уу?”гэж асууна. Ээж надад үдийн хоолыг маш бага хугацаанд амжуулах ямар хэрэгтэй вэ гэдгийг ойлгодоггүй юм. Би их завсарлагаа болонгуут ангиас гараад талбай руу ээжийн савласан зуушийг үмхлэн гүйдэг байв. Айронсайдад найзууд маань тоглож байвал хөршийнхөө нохойнд хоолоо шидэж өгчихөөд л тоглодог байж билээ. Харин орой бол өлбөрч үхэх гэж байгаа амьтан гэртээ орж ирээд гарт тааралдсанаа үмхлэн иддэг байв.

Хичээл дээр би дэвтэртээ их л хичээнгүйлэн юм бичиж сууна. Багш нар хараад хичээлдээ их анхаарч байна даа гэсэн сэтгэгдэл төрөхөөр. Гэвч огт тийм байгаагүй. Би зүгээр л их завсарлагааныг хүлээн цаг нөхцөөн тэгж суудаг байв. Дэвтэрийнхээ ар талд цайны цагаар болох тоглолтон дээр хэнийг хаана тоглуулахаа тооцоолон тэгж нямбай бичиж суудаг байсан хэрэг. Хонх дуугарангуут үсэрч гараад хөвгүүдийг цуглуулан тоглолт зохион байгуулж. охидыг харин талбайг чөлөөлөхийг гуйна. Охидод хандан "Та нар талбайг чөлөөлнө үү, гэхдээ тоглолтыг үзэж болно шүү” гэж эелдгээр хүсдэг байлаа. Тэгээд цүнхээрээ талбайн хязгаар хаалгаа тэмдэглээд тоглож гарна даа. "Уэмбли”-д болдог FА Сuр-ын финалаас ч сонирхолтой тоглолт тэнд өрнөдөг байлаа. Бид бөмбөгний төлөө тэмцэлдэн, унасны улмаас нүүрэндээ шарх, сорвитой үлдэх нь цөөнгүй. Хожигдол гэдэг миний хувьд байж болшгүй зүйл. Энэ тоглолтод ялагчид бахархалтайгаар сүү ууцгаан, харин хожигдогсод хоосон лаазаа бариад анги руу явдаг байв.

Бэрри Банчис бид хоёр Сент Микийн сургуулийн урдаа барих тоглогчид нь байв. Харин сургууль дээрээ тоглоход бид үргэлж өрсөлдөгчид болно. Бид хоёр багийн тоглогчдоо ээлжилж сонгоод хүч шавхсан тоглолт хийдэг байлаа. Бэрри бол маш авъяаслаг тоглогч. Тэр "Денберн” -ий 13 хүртэлх насны багт тоглодог байсан. Тус багт түүнээс гадна Майкл Бранч, Тони Хибберт нарын сайн тоглогч багтдаг байв. Миний хувьд "Ливерпуль”-д орох хүртлээ "Денберн”-ий багт багахан хугацаанд тоглож. "Эжхиллийн хүүхдийн лиг"-т түрүүлэхэд нь хувь нэмрээ оруулж байлаа. Бэрри бид хоёр сургуулийнхаа шигшээгийн түлхүүр тоглогчид байлаа. Нэг жил бид Сент Микийн сургуулийн багийг орон нутгийн нэгэн тэмцээнд түрүүлүүлснээр манай баг "Уэмбли"-д тоглох эрхээр шагнуулсан. Үнэхээр гайхалтай шагнал. "Уэмбли”. Эртний түүхт энэ хуучин цэнгэлдэх хүрээлэнд тоглох эрх авчхаад бид тэнд болох мөчүүдийг хэдийнэ төсөөлөөд эхэлсэн байв. "Уэмбли". Үнэхээр мөрөөдөл минь биеллээ гэж үү? Нэг удаагийн тоглолт дээр би байнга хийдэг хамгаалалтаа хийн гулсан уналаа. Гэтэл ундааны бөглөөнд өвдгөө урчихлаа. Ердөө таван оёо тавиулсан ч энэ шарх “Уэмбли" рүү явах багийн бүрэлдэхүүнээс хасахад хангалттай байжээ. Нулимс өөрийн эрхгүй асгарав. Найзууд маань “Уэмбли"-д хөл тавихад би эмнэлгээс гарч байв. Өвдөг дээрх тэр сорви ямар ч зовиургүй болсон ч "Уэмбли" явах хүслийг минь боомилсныг үргэлж сануулдаг.

Сент Микийг орхих цаг ирлээ. Бага сургуулиас дунд сургуульд орно гэдэг хүндхэн сонголт хүлээж байлаа. Манай ангийнхны ихэнх нь Боурингийн ерөнхий боловсролын болон Ноусли ахлах сургууль руу явлаа. Пол Боурингт байсан учир би тийшээ явахыг хүссэн. Ахтайгаа хамт байх гэж тэр. Гэхдээ энэ хоёр сургуульд хөлбөмбөгийг чухалчилдаггүй нь миний хувьд асуудал байсан. Хүн болгон намайг хөлбөмбөгийн төлөө юугаа ч өгөхөөс буцахгүйг мэднэ. Дээр нь тоглогчийн ур чадвараа ахиулах нь ямар сургуульд орохоос ихээхэн шалтгаалах байв. Сент Мик сургуулийн маань багш хатагтай Чадвик надад Кардинал Хинэнд очихыг зөвлөсөн. Тэр "Тэнд очвол чи хөлбөмбөгтэйгөө илүү ойр байх болно" гэж хэлсэн.

"Кардинал Хинэн католик шашинтны ахлах сургуулийг би сайн мэднэ. Энэ бол орон нутагтаа шилдэгт тооцогдох хүчтэй багтай сургууль. Хатагтай Чадвикийн нөхөр Эрик Кардинал Хинэнд биеийн тамирын хичээлийн багшаар ажилладаг байсан. Тэгээд эхнэртээ "Стивен Жеррардыг манайд ир гэж ятга. Тэр Кардинал Хинэний төлөө ихийг хийх болно гэж хэлсэн юм билээ. Гэхдээ тэр сургуульд явах нь зарим нэгэнд хүндээр тусах байв. Блюбэл хорооллынхон тэр чигээрээ католик шашинтан биш. Гэхдээ энэ хэнд хамаатай юм бэ? Эцсийн эцэст хөлбөмбөг яллаа. Кардинал Хинэн намайг элсүүлэхийг хүссэн. Хөлбөмбөгийн ур чадварынхаа нөлөөгөөр.

хатагтай Чадвикийн зөвлөгөөгөөр би Кардинал Хинэнд орлоо. Хөлбөмбөг намайг хааш нь хөтөлнө, би тийшээ л явах ёстой. Кардинал Хинэнд сурах нь "Ноусли Бойз”-д байхаас илүүгээр "Ливерпуль Бойз”д орох замыг минь дөтлөх учиртай байв. Ливерпуль Бойз" орон нутагтаа хамгийн шилдэг нь "Ливерпуль”, "Эвертон"-ы скаутууд "Ливерпуль Бойз”-ын тоглолтыг алгасалгүй үздэг. Үүнд хүрэх цорын ганц зам нь Кардинал Хинэн байсан.
Хөлбөмбөгтэй холбоотойгоор дунд сургуулиа сонгосон би тэнд хичээлдээ шамдахгүй бол болохгүй байлаа. Кардинал Хинэнд 1300 гаруй хөвгүүн суралцдаг. Тэнд хөлбөмбөгтэй мэдлэг эн зэрэгцэх ёстой гэсэн зарчим үйлчилнэ. Энэ зарчимд нийцүүлэхийн тулд шөнө болгон хичээлээ давтдаг байв. Үүндээ шантраад бүр уйлна. Эндээс шилжихсэн гэсэн хүсэл цөөнгүй удаа төрж байлаа. Кардинал Хинэн манайхаас гурван милийн зайд оршдог. Хол байна гэж шалтаглаж үзсэн ч ээж, аав маань хөлбөмбөгийн замналд энэ хамгийн сайн нөлөө үзүүлнэ гэж ятгаж чадсан. Би дуртай дургүй явна.

Дунд сургуульд орсноос хойш гурав дахь жилээс энэ бүхэнд даслаа. Блюбэлээс сургууль руу явахдаа автобусны ард суучихаад хөвгүүдтэй хөгжилдөн явах нь миний аз жаргалтай мөчүүдийн нэг. Тэгэхэд анх удаа ээж намайг сургууль руу ганцааранг минь явуулдаг болсон. Би 13 настай ч том хүн болсон мэт санагдаж билээ. Би өсч өндийж том болж буйгаа мэдэрч байв. Халаасан дахь автобусны болон хоолны мөнгө шажигнах нь сэтгэл баясгаж. Блюбэлийн гудамжаар яг л хаан болсон юм шиг сэтгэгдэл төрөн алхдагсан. Автобусны буудал хүрэх замдаа Терри Смит, Шон Диллон нарын гэрээр дайрч хамт явдаг байсан. Шон их орой унтдаг болохоор дандаа хоцорно. Терри бид хоёр есөд 15 дутуу байхад тэдний гэрийн гадна очоод өрөөнийх нь цонх руу чулуу шиддэг. Хааяа бид чулуугаа хэт чанга шидсэнээс цонхыг нь хагалчих шахна. Тэгж тэгж Шон гэрээсээ гарч ирэхээр бид автобуснаасаа хоцрохгүйн тулд хар хурдаараа буудал руу гүйнэ. Бидний хөл жирилзэн, нуруунд цүнх маань савчина. Шон одоо ханын зуух хийдэг ажилтай болсон. Территэй бол ойр ойрхон уулзана. Тэр "Эвертон"-ы үнэнч хөгжөөн дэмжигч юм.

Шон, Терри бид гурав Кардинал Хинэнд хүрэхэд талдаа 26 минутаар тоглоход хангалттай бүтэн цагийн их завсарлагааны тухай бодол миний толгойд орж ирдэг. Өдрийн турш хөлбөмбөг тоглох тухай л бодно. Би ноён Чадвикийн ордог биеийн тамирын хичээлд маш дуртай. Гэхдээ биеийн тамирын хичээлээр ердөө хөлбөмбөг ордоггүй байсан. Регби, гимнастик, крикетийг түлхүү заадаг байв. Би зааланд ч тэр, гадаа талбайд ч ялгаагүй хөлбөмбөг тоглохыг л хүснэ. Эсвэл талбайн теннис. Би теннист их дуртай. Кардинал Хинэнд бид жижиг талбайд модон цохиураар тоглоно. Бид цохиуран дээрээ "Nike"-ийн хээ, эсвэл "Аdidas"-ын гурван судлыг зураад бахдалтайгаар тоглодог байв. Гэхдээ миний хамгаас эрхэмлэх зүйл хөлбөмбөг хэвээрээ байсан.

Кардинал Хинэнд байр сууриа эзлэх амар байгаагүй. "Азарган тахиа гэгддэг хэдэн том биетэй бандитай хэдэн удаа тулж байж талбайд тоглох эрхтэй болсон. Замбараагүй бужигнасан зодоон дунд өөрийнхөө хүнийг цохичихгүйг хичээн нүдэлцэнэ. Эцэст нь бид талбайн эзэд боллоо. Насаар ах, биеэр том хэн ч байсан бид ялна. Хааяа хэн нэгний нударганаас зайлж амжилгүй уруулаа сэт цохиулж, дүрэмт хувцас маань энд тэндээ цусанд будагдана. Үүнийгээ хөлбөмбөг тоглож завааруулсан юм шиг шавхайгаар өнгөлөн далдалдаг байж билээ. Их завсарлагаа бол жинхэнэ оргил цаг. Харин хичээл бол тоглолтын хоорондох чимээгүй ертөнц байсан.

Хичээлдээ би сайнгүй байсан. Кардинал Хинэнд дундаж сурлагатайд нь тооцогддог байв. Хичээл бүрт л ямар нэг ойлгохгүй зүйл заавал гарна. Ялангуяа математикийн хичээлд суух. давтах маш дургүй. Гэхдээ англи хэлний хичээлд гайхалтай сайн заадаг багшийнхаа ачаар сайчуулын нэг нь болж чадсан. Би зохион бичлэг хийх их дуртай. Нэгэнтээ "Хэзээ нэгэн цагт би дэлхийн аварга болно" гэж бичиж байв. Энэ мэтчилэн үг холбон бичих нь миний хобби байсан. Бас ном унших дуртай. Миний хамгийн дуртай ном "Of Mice and Men"***. Энэ бол гайхалтай, сэтгэл хөдөлгөсөн эмгэнэлт зохиол юм. Би энэ номыг урагдаж салбайтал нь олон удаа уншсан. Ой ухаандаа яг л кино үзэж байгаа юм шиг төсөөлөн боддог байв. Дунд сургуулийн улсын шалгалт өгөхөд би англи хэлэндээ С авч, зургаан хичээл дээр D. хоёр хичээл дээр Е авч байлаа.

Миний энэ бүх зүтгэл, хөдөлмөр нэг л зүйлд чиглэгдсэн байсан. Энэ бол миний цорын ганц мөрөөдөл. зорилго хөлбөмбөг юм.

*- Соrоnаtion Street-1960 оны арванхоёрдугаар сарын 9-нөөс эхэлсэн. Ирэх оны нэгдүгээр сард 7000 дахь анги нь гарах Их Британийн хамгийн олон үзэгчтэй савангийн дуурийн нэг
**-ЕаstEnders-1985 оны хоёрдугаар сарын 19-нд эхэлсэн Английн хамгийн олон үзэгчтэй цуврал
***-Нобелийн шагналт зохиолч Жон Штейнбекийн зохиол

Үргэлжлэл нь дараагийн дугаарт

Удалгүй тэр талбайд зуны жижиг байшингууд баригдаж, халгай, хогийн ургамал ч үгүй болсон. Бас хатуу хучилттай зам тавигдаж, машин холхих нь ихсэв. Миний өссөн Блюбэл хорооллын мухар гудамж бараг тэр чигтээ зогсоол мэт болж, замын хоёр талаар машин эгнэн ярайна. Харин манай гэр, Айронсайдын 10 дугаар байшингийн өмнө талын цардмал талбай л чөлөөтэй байдаг. Гадаа цаг агаар ямар байхаас үл шалтгаалан бид энд өнждөгсөн. Би гэрээсээ хар хурдаараа гүйж гараад л шууд тоглох боломжтой. Үнэхээр гайхалтай сайхан. Хэн нэг нь надад зориулж энэ талбайг хийсэн гэж би өөртөө итгүүлдэг байлаа. Хэн нэгэн "Чиний амьдрал бол хөлбөмбөг" гэж өмнөх замыг минь зааж байгаа юм шиг. Гайхалтай тохиолдол. Тэр үнэхээр миний талбай байсан. Намайг гэрээсээ гарахад тэнд тоглож байсан хүүхдүүд талбайг чөлөөлөн явдаг байв. Би найзуудтайгаа тав, арав, 12-оороо баг болж хуваагдан өрсөлдөх, тойрч зогсоод бие биедээ дамжуулах, цохилт хийх, хөөцөлдөх гэх мэтээр тоглодог байлаа. Хамгийн сонирхолтой нь "бөгс гаргах" (Bare Arse) гэдэг тоглоом. Хэн нэг тоглогч чамайг хуурч гараад гоол оруулбал чи өмдөө шувтлаад бүх тоглогч бөгс рүү чинь бөмбөг өшиглөдөг тоглоомыг ингэж хэлдэг. Энэ нь скоусчуудын (Ливерпуль орчимд амьдардаг хүмүүсийг Scouse хэмээдэг) сайн хаалгач, оновчтой цохилттой тоглогчийг бэлтгэх уламжлалт арга юм. Манай багт Питер Крауч ирснээр би энэ тоглоомыг дахин сэргээн наадаж билээ. Би бэлтгэлийн өмдөө доошлуулан, Краучи миний бөгсийг онохоор бөмбөг өшиглөж байлаа. Энэ үед хэн нэг нь сэм харж бид хоёрын өгзөгний зургийг аваад сонинд гаргачихсан байлаа. Гэхдээ тэдгээрт биднийг зүгээр л "Bare Arse" тоглож байсныг тайлбарлаж бичээгүй юм. Айронсайдад наадаж байсан энэхүү тоглоомоо би амьдралынхаа туршид мартахгүй.

Айронсайдыг хүмүүс "Happy street" гэдгээр нь сайн мэднэ. Би 1980 оны тавдугаар сарын 30-нд Уистоны эмнэлэгт төрж, "Hapрy street''-ийн хөлбөмбөгийн хэнээт нэгэн гэр бүлийн шинэ гишүүн нь болж байлаа. Блюбэл хэмээх энэ том хороололд хулганын нүх шиг сүлжилсэн замуудыг даган "Хун", "Хөх хонх", "Сарнай", "Царс мод" гэсэн дөрвөн уушийн газар бий. Айронсайдаас инээдмийн жүжигчин Фредди Старр, Стэн Бордмэн, ахмад жүжигчин Рекс Харрисон нарын олон алдартан төрөн гарсан. "Sex and the City''-д тоглосон Ким Кэттрол одоо ч энд амьдарч байгаа. Мөн түүнчлэн "The La's", "Space and Cast" зэрэг олон хамтлаг Хюйтон дүүргээс гарсан. Энэ хорооллын өнцөг тохой бүр өөрийн онцлогтой.

Би Блюбэлийн амьдралд хайртай. Энэ бол миний вант улс, тоглож өссөн газар. Бид Алт голын эргээр хөөцөлдөж тоглон өдрийн ихэнхийг гадаа өнгөрөөдөг байлаа. Ингэж тоглосноороо бидний хурд сайжирсан гэж боддог. Пол ах бид хоёр орой шавар шавхайнд хутгалдсан халтар

юмнууд харьдаг байв. Ээж уурлаж загнан, аав инээмсэглэсээр угтдаг байж билээ. Айронсайдад амьдрал ёстой л буцалж байдаг байсан. Зуны цагт хүмүүс гэр бүлээрээ гадаа сууж, шар айраг ууцгаан, хүүхдүүд нь эргэн тойронд нь тоглодог. Манай 10 дугаар байшингийн эсрэг талд надтай чацуу Лиза, Кэролин гэдэг хоёр охин амьдардаг байв. Би охидод татагдаж, тэдэнтэй тоглохсон гэж үргэлж хүснэ. Би эгч, эмэгтэй дүүгүй болохоор ингэж боддог байсан ч байж болох юм. Тэдэнтэй тааралдвал би заавал ярианы сэдэв гаргаж ирдэг, Харамсалтай нь Лиза, Кэролин нарт нэг том дутагдал байсан. Тэд хөлбөмбөг тоглож чаддаггүй байсан юм. Энэ уул нь асуудал болгоод байх зүйл биш л дээ. Гэхдээ би аливаа зүйлийг хөлбөмбөгөөс ангид төсөөлж байсангүй. Блюбэл хороолол хөлбөмбөгийн хэнээтэй хүүхэд, залуусаар дүүрэн байсан. Хюйтон дүүргээс Стив Макмахон, Жои Бартон, Ли Трундл, Питер Рейд, Тони Хибберт, Крэйг Хигнетт, Дэвид Нюжент нарын олон авьяаслаг мэргэжлийн хөлбөмбөгчин төрөн гарсан. Хотынхон бараг тэр чигтээ бүтэн сайны лигт тоглодог байлаа. Хөлбөмбег бол Ливерпульд шашин мэт хүчтэй тархсан юм. Блюбэлд би өөрийнхөө үеийн 7-8 хүүхэдтэй нийлж баг болоод ээж нарыгаа дуудах хүртэл нь тоглодог байв. Гэхдээ тэдэнтэй тоглоход надад нэгэн хүндрэл байсан. Найзуудын маань ур чадвар, арга барил надад гологддог байсан юм. Гурван насаар ах Полтой тоглож өссөний минь нөлөө биз. Пол арваад найзтай, тэдэнтэй нийлээд тоглохоор үнэхээр үзүүштэй. Зургаатайгаасаа би Полтой нийлж, найзууд дунд нь орж тоглох болов. Ахын найз нарын ихэнх нь намайг багтаа авахыг хүснэ. Тэдэнтэй тоглоход л би жинхэнэ таа*a*л авдаг байсан. Полын найзууд их авьяаслаг. Пол өөрөө "Болтон Уондерерс"-т орох шахаж байсан. Дэнни Уолкер гэдэг нэг хүү хожим "Транмер Роверс"-ын өсвөрийн багт орсон. Тэд "Толгейт" гэдэг нэртэй баг байгуулж, Хюйтоноос хоёр автобус дамжиж хүрдэг газар 10 хүртэлх насныхны лигт тоглодог байв. Нэг удаа би Полыг дагаж тоглолт үзэхээр яваад тэмцээнийг зохион байгуулагчдаас өөрийгөө тоглож болох эсэхийг асуув.

Тэд "Чи хэдтэй юм бэ?" гэхэд нь би "Долоо" гэж хариуллаа. "Дэндүү жаахан байна аа. Тоглуулахгүй" гэв.

Би уйлж эхэллээ. Тэдэн рүү "Тэр ямар хамаатай юм бэ? Би тоглож чадна" гэж хашгирлаа. Гэвч нэмэр болсонгүй. Гэр үед би хүнд гологдохын, татгалзсан хариу сонсохын таагүйг анх мэдэрч билээ.

Айронсайдад, гэрийн минь өмнө байдаг цардмал талбай тоглогчдыг тэмцэлтэй болгож сургасан. Бөмбөг авч, түүнийгээ булаалгахгүй, дээр нь унахгүй тэнцвэртэй хурдан гүйх чадварыг бид маш хурдан эзэмшсэн. Полын найзуудтай тоглоход тэд намайг хүчтэй хамгаалдаггүй байв. Учир нь би тэднээс гурван насаар дүү, биеэр хамаагүй жижиг. Хүчтэй цохилт. Бөмбөг намайг онолоо. Аймшигтай өвдөлт. Гэхдээ ингэлээ гээд би шантраагүй, яагаад гэвэл би үүнд дуртай. Ийм зүйл олон тохиолдоно. Хатуу газар унаж, бөмбөгөнд баахан цохиулсан би гэртээ ихэвчлэн хазганаж, доголсон хүн очдог байлаа. Би нэг удаа бөмбөгний төлөө тэмцэлдэж байгаад хайс мөргөөд нүүрээ шалбалчихав. Ха*a*ны төмөр нүүрэнд минь овоо ором үлдээжээ. Гэвч би үүнийг тоогоогүй. Айронсайдын 35 дугаар байшинд байдаг Тони өвөө дээр гүйж очив. Өвөө нүүрэнд минь шархны наалт нямбайлан тавилаа. Ингээд л боллоо, би тоглолт руу яаран буцав. Ахын найзууд "Хурдлаарай" гэж хашгирна. Хүчтэй цохилт. Би тулаанд эргэн орлоо.

Айронсайдын 10 болон 35 дугаар байшинд одоо ч манай гэр бүлийнхэн байдаг. Пол ах 10 дугаар байшинд амьдарч байна. Жеррардууд үргэлж Айронсайдад байх болно.

Тони өвөө бол аавын минь аав. Харин ээжийн аав Сидни Салливэн өвөө манайд миний сургуульд сурах хугацаанд буюу найман жил амьдарсан. Тэр хүнд өвчтэй байсан. Түүнийг анх цус харвахад нь бид эмч нараас итгэмээргүй нэгэн мэдээг сонсож билээ. Энэ нь хэрэв өвөөд дахин ийм зүйл тохиолдвол эмнэлэг хүлээж авахгүй, гэрээрээ эмчилгээ хийлгэ гэсэн дэндүү харгис, хатуу мэдэгдэл байсан. Миний асрагч хэдэн хорооллын цаана амьдардаг байсан ба түүний хувьд өвөөг бүрэн хариуцах боломжгүй байсан. Хэрэв асрагч гадаг*a* гарах *a*рдлага гарвал өвөө ганцаараа үлдэж чадахгүй байв. Ээж "Аав маань гэртээ байж чадахгүй" гэж эмч нарт учирласан ч эцсийн эцэст тэр бидэнтэй амьдрахаар боллоо. Бид байрандаа өвөө бие дааж байхад тохиромжтойгоор нэг өрөөг нь тохижуулав. Сидни өвөө өрөөнөөсөө бараг гардаггүй байсан. Хааяа л бидэнтэй хамт зурагт үзэхээр үүдний өрөөнд орж ирдэг байлаа. Сидни өвөө дөрвөн удаагийн харвалтыг давж гарсан. Цус харвалт бүрийн дараа түүнийг улам л тамир тэнхээгээ алдаж буйг нь хараад миний уур хүрдэг байв. Анхны харвалтынх нь дараа Пол ах бид хоёр өвөөтэй чөлөөтэй ярьдаг байсан. Түүний ухаан сав саруул байсан юм. Харин дараа дараагийн харвалтуудаас бидний харилцаа улам бүр хүндрэлтэй болж билээ. Түүний өвчин шаналал биднийг маш их бухимдуулдаг байсан. Гэхдээ тэр хүн бүрийн хайрыг татдаг байлаа. Хэдий тэр хүнд өвчтэй ч үргэлж инээмсэглэн, бидэнтэй ярилцдаг байсныг одоо ч дурсан санах сайхан байдаг. Өвөөгөө хараарай гэж сануулахад нь жаахан ч гэсэн анхаарал сарниулахад л ах, бид хоёрыг ээж ширүүн зэмлэнэ. "Алив өвөөгийнхөө цайг нь дөхүүлж өгөөрэй, явж өвөөтэйгөө хамт цай уу" гэхчилэн захидагсан.

Сидни өвөө ах, бид хоёрт амин голоосоо хайртай. Бидний хүссэн бүхнийг авч өгөхөд тэр бэлэн. Ээжид "Хүүхдүүдэд хөлбөмбөгийн хувцас хэрэглэл авах мөнгө өг" гэж ээжид хэлнэ. Ээж "Үгүй" гэж хариулахад нь "Үүнийг ав даа" гээд бидэнд мөнгө өгдөг байв. Тэр үнэхээр өглөгч хүн байсан. Хэдий баян, мөнгөтэй байгаагүй ч "Хөвгүүдэд хэрэгтэй зүйлийг нь авч өгөөрэй" гээд л мөнгө өгдөг байлаа. Тэтгэврийн, бас эрүүл мэндийн даатгалаас авсан хэдэн фунтээ тэр ингэж бидэнд зарцуулдаг байсан юм. Тэр бүх л насаараа Тэнгисийн цэрэгт алба хашсан юм билээ. Өвөөг өнгөрсний дараа ээж хэсэг хугацаанд тамхи татав. Энэ мэтчилэн өвөөгөөс болж түүнд багагүй өөрчлөлт илэрсэн. Бид маш дотно гэр бүл байсан ч Сидни өвөө биднийг бүр илүү холбодог гинж нь байсныг бид энэ үед ойлгосон.

Би аавынхаа ажиллаж байх үеийг төдийлөн мэддэггүй. Түүнийг ажлын цагийг бүрэн ашиглаж, маш үр бүтээлтэй ажилладаг байсан гэхийг би олонтаа сонссон. Аав ээжийг дэлгүүр лүү юм уу, ах, бид хоёрыг сургуулиас авахаар явсан хойгуур Сидни өвөөг асрахын зэрэгцээ гэрийн орчин тойрноо тохижүүлж, цэвэрлэдэг байв. Аав маань зүгээр л энгийн нэг ажилчин байсан. Аавын найзууд оройн цагаар уушийн газар суудаг байсан бол аав илүү цагийн ажил хийж, амьдралдаа дэм болохыг эрхэмлэдэг байв.

Пол бол миний хамгийн сайн найз. Үргэлж ийм байсан, цаашид хэвээр байх болно. Тэр Айронсайдад минийхээс том унтлагын өрөөтэй байсан. Бас түүний өрөөнд уурын халаагуур, том ор гэхчилэн бүх юмтай. Гэхдээ би түүнтэй барьцаж, маргаан үүсгэж байсангүй. Пол бол миний шүтээн байсан юм. Надад Пол болон түүний найзуудтай хамт байх нь жаргал байлаа. Харин Пол дандаа л "харь, яв" гэж намайг хөөдөг. Тэр намайг найзуудтай нь хамт хөлбөмбөг тоглож, ярианд нь оролцохыг хүсдэггүй байсан. Хааяа бид хоёр үүнээс болоод нударга зөрүүлнэ. Нүүр, бие рүү минь нударч түлхэхэд нь дургүй хүрч "Чамайг үзэн ядаж байна, чамайг ална даа" гэж орилно. Төд удалгүй уур гарч, дахиад л тэдэнтэй нийлээд явдаг байв. Хааяа нуугдаад сэмхэн алга болж, найзуудтайгаа тоглож байгаад ирэхдээ Пол "Стиви, компьютер тоглох уу?" гэж асуудаг. Хэрхэн тооцоо бодохоо тооцоолж суусан би бүхнийг мартаж "Тэгье" гэж урамтай гэгч нь хашгирдагсан. Полын ертөнцөд дахин нэвтрэх боломж олдсон нь надад сайхан зав*a*н юм. Тэгээд бид уйдталаа компьютер тоглодог. Би ахыгаа үнэхээр бишрэн дээдэлдэг байсан. Одоо Пол яг л миний дүү шиг харагддаг.

Пол хөлбөмбөгт тун авьяастай байсан ч тоглогч болохыг төдийлөн сонирхоогүй юм. Тэр зүгээр л найзуудтайгаа хөгжилдөх гэж хөлбөмбөг тоглодог байсан. Аав түүнд "Чи арай идэвхтэй байж, хөлбөмбөгөөр хичээллээч" гэж хэлнэ. Харин ах "Яах юм бэ, гадаа хүйтэн байна шүү дээ. Гэртээ байсан нь дээр" гэж шалтаг тоочдог байв. Гэхдээ Пол хөлбөмбөгийн тактик мэддэг, тоглогчийг танихдаа сайн. Би тоглолт бүрийн дараа ахтайгаа алдаа, оноогоо дүгнэн ярилцдаг. Бид бие биеэ харцаараа л ойлгодог.